軒尼詩冰廳 (柯布連道)

營業中

休息中

之前喺會展做完野，行去灣仔站途中食過一間叫做軒尼詩冰廳，佢啲小菜幾好味，於是今日又走去試下佢嘅午餐，睇下質素如何。一去到就咁啱有位，唔使等就入得，侍應安排我地坐喺一張四人枱，中間有隔板間住，咁就可以坐到兩枱客而又唔會有搭枱嘅感覺了！先講環境，典型茶記格局，唔會有多餘空間，因為有嘅話已經俾店員用埋嚟做生意。午飯時間人滿為患，室內談話、喧鬧聲此起彼落，同朋友同事食飯你預左要大大聲咁講野，否則就會俾人cum哂你啲聲架喇！食物方面，筆者嗌左佢當日喺電視機投影出嚟嘅午餐精選之一：黑椒汁薄牛扒漢堡扒飯($58)，配熱好立克一杯，味道唔錯，就係份量少左啲，比正常份量略少，所以性價比嚟講唔算高。服務方面，侍應們個個都係後生仔，做事靈活爽手，典型荼記面貌。總括嚟講，不過不失嘅一間茶記水平。