蝦麵店 (荃新天地) (已結業)

今晚去左荃新天地行街，行到攰攰地就係商場入面食。呢間蝦麵店見評價幾好，就入去試試。呢間係主要食馬來西亞菜色。男朋友叫左咖喱喇沙雞絲豆卜麵，味道好濃郁而且都多雞絲。而我就叫左蝦同墨魚丸麵，佢係少辣，都幾多隻蝦，不過墨魚丸令我有d失望，因為太多粉，無咩墨魚味，唔講都唔知自己食緊墨魚丸。另外，我地叫左一碟油菜同五香豆腐。油菜都正常既，但豆卜真係太咸啦，可能係我地食唔慣太重口味，要浸落湯到食，都食唔多到。總括黎講，呢間蝦麵店唔算過好好食，不過一試無妨。