灣景廳

每位$458，免加一，預咗唔會好好食，但忽然想食自助餐，就即管試試。食物種類算多：海鮮有唔好食嘅麵包蟹，尚算新鮮有啲蠔味偏瘦開好咗嘅蠔，仲有兩款無食過的貝殻類海鮮。刺身反而好食、新鮮，至於熱食類反而有驚喜，基本上所有肉類都好食，有焗蠔，燒牛肉，片皮鴨(還可以)，燒羊肉，鵝肝，蒸斑，黃金蝦⋯仲有唔錯嘅龍蝦湯煮嘅西班牙飯、心太軟，雪糕係movenpick👍🏻係唯一比較失望就係啲海鮮唔係咁OK，同埋湯就冇燉湯係例湯，炒嗰個菜好唔吸引。