影片
更多
2011-08-21
565 瀏覽
都知星期六晚食飯, 在 HOT 食肆要預先 Book 位架啦！但心血來潮想食羊涮窩, 去到東來順, 真係無位。無法子又好肚餓的情況下, 唯有入了呢間無人, 又唔洗等位的地方.之前都分別試過在中環及圓方個間, 印象都較差, 但出面真係太熱, 故此就去啦！點知都是會令我後悔架！先黎佢地的香草包, 值得一讚的是上枱時夠熱同埋夠鬆軟, 香草味適中！再讚一讚是其點麵包的醋, 不會太酸, 因為之前食過好多間都偏酸的。跟住就係龍蝦湯, 佢地唯一可以算是大碗, 但完全無龍蝦味及龍蝦肉, 要我用 $110 比一碗海鮮忌廉湯, 不如比多D, 飲番 Hugo 個碗啦！佢是我試了咁多地方, 仍然最 Buy 的一間Steak 是我的至愛, 好彩佢呢塊 Steak 都好好味, 半成熟火喉剛剛好, 塊扒是有D肥脂, 但不多, 食時有少少黏住肉一齊食, 帶出件排的牛味. 因為今日並非好想食排, 太多的評語會對件牛排唔公平.今日主要想食 Assorted Cheese Pizza, 真係好失望, 可能呢間唔是意大利餐廳, 會整得無咁好, 一句到尾是~~~ 餅底脆口, 無芝士味, 仲要蕃茄都無味先慘, $200 個 P
都知星期六晚食飯, 在 HOT 食肆要預先 Book 位架啦！但心血來潮想食羊涮窩, 去到東來順, 真係無位。無法子又好肚餓的情況下, 唯有入了呢間無人, 又唔洗等位的地方.
之前都分別試過在中環及圓方個間, 印象都較差, 但出面真係太熱, 故此就去啦！點知都是會令我後悔架！
先黎佢地的香草包, 值得一讚的是上枱時夠熱同埋夠鬆軟, 香草味適中！再讚一讚是其點麵包的醋, 不會太酸, 因為之前食過好多間都偏酸的。
跟住就係龍蝦湯, 佢地唯一可以算是大碗, 但完全無龍蝦味及龍蝦肉, 要我用 $110 比一碗海鮮忌廉湯, 不如比多D, 飲番 Hugo 個碗啦！佢是我試了咁多地方, 仍然最 Buy 的一間
Steak 是我的至愛, 好彩佢呢塊 Steak 都好好味, 半成熟火喉剛剛好, 塊扒是有D肥脂, 但不多, 食時有少少黏住肉一齊食, 帶出件排的牛味. 因為今日並非好想食排, 太多的評語會對件牛排唔公平.
今日主要想食 Assorted Cheese Pizza, 真係好失望, 可能呢間唔是意大利餐廳, 會整得無咁好, 一句到尾是~~~ 餅底脆口, 無芝士味, 仲要蕃茄都無味先慘, $200 個 Pizza, 蝕呀！
平時我好少叫水飲, 因為好唔值架！依家仲要不在酒店叫, 都成 $65 一支水....點解今次叫水, 因為佢雖則環境幾好, 但是在咁熱天氣, 冷氣不足, 仲熱過佢商場的冷氣, 一路食, 一路出汗, 咁您話洗唔洗叫支凍水飲下???
最後, 其服務好壤參半, 個 Manager 幾好, 但D Waitress 唔識做, 我已經叫埋單, 跟手埋頭睇 email, 佢可以為了收碗碟, 在我個頭同 iphone 之間伸手收碟, 已經 Reject 話佢一次 Later soon, 但唔夠一分鐘又黎過.....您地都唔爆場, 趕咩呢??? 趕客走呼???張貼
