青森料理 (已搬遷) 新店位置

今次係第二次同屋企人黎依度食，呢間算係性價比相對上高嘅日式餐廳。壽司三文魚同埋玉子都好味。首先係個三文魚切到好長，我作為客人見到三文魚第一眼就覺得好值，食落口味道都唔錯玉子仲要係暖暖地，好味！鐵板一口牛牛肉唔靱但唔係話好軟，蒜味足，啱晒我依啲重口味嘅人。呢個飯都尚算可以，唔係話十分出色，但係對得起佢個價錢。我哋仲叫咗個燒魚乾（無影），味道正路。總括而言，食日本野黎講呢間野算係平而且食物都不過不失（雖然冇驚喜），所以如果想食日本野一試無妨。