Rang Mahal Authentic Indian Cuisine (已結業)

朋友話想喺中環搵間印度菜，其實我知道有好多，不過有啲都好貴又唔正宗，OpenRice 搵到依間 last minute book 枱仲有位咪試試佢。 首先講吓間餐廳，門口都唔係太難搵，行左兩層樓梯就到勒。餐廳唔知點解啲燈光好暗，讕係有情調咁。啲枱就好迫，不過香港地地方細，可以理解嘅。$88嘅自助午餐，加一後差不多一百蚊 lunch, 還可以接受。 佢都幾多選擇，有7-8 隻主菜，每樣味道都唔差，最欣賞係佢既 tikka chicken，因為我鍾意重口味。佢既 nann bread 無咩味道，仲要都幾油膩，同佢啲春卷一樣，一咬啲油彈哂出黎，真係想唔肥都幾難... 總括黎講，可能我唔特別鍾意印度菜既關係，唔差，有質素，價錢唔貴，但又唔會特別想再黎食咁。