影片
更多
2019-09-16
332 瀏覽
正宗蘭州牛肉拉麵 #尖沙咀嗰日落大雨，咁啱喺尖沙咀見到有間好大食蘭州牛肉拉麵嘅鋪頭，於是就入咗去，嗰陣仲係下午茶時間，所以就試咗佢哋嘅下午茶餐，全部下午茶餐都大約係$60左右，唔算太平但係呢個份量來講又唔係好貴嘅。蘭州牛肉拉麵+涼拌土豆絲 ~$60店員講到明下午茶餐嘅份量係午餐嘅一半，不過其實成個面底份量都唔少，不過啲牛肉就淨係得三塊，而且仲要係非常薄切。湯底: 清清地，帶少少牛肉味麵: 其實類似刀削麵，煮得仲有少少咬口牛肉: 講真咁薄都好難韌得去邊，不過份量同埋個口感就真係爭咁啲整體嚟講，正正常常，唔需要特登去試。另外下午茶會加送一個配菜，今次就揀咗涼拌土豆絲，就係一般嘅土豆絲，冇乜特別。肉夾饃+烤羊肉 ~$60雖然冇真係食過大陸嘅肉夾饃，但係都係香港好多唔同嘅陝西餐廳食過(eg 西香記)，呢個要咁我同平時食開嗰啲好唔同，佢入面啲肉唔係手撕肉，而係一粒粒肉碎，而且個味道有少少似咖喱味，唔係話唔好食純粹係覺得唔太正宗。至於個外皮其實都考得幾香脆嘅，不過成個都幾油膩。反而個烤羊肉嘅味道同埋質感又做得幾好，孜然味香，肉質淋，帶有少少羊蘇味，幾正。烤雞翼 $18味道同烤羊肉係同一個味，所以同
嗰日落大雨，咁啱喺尖沙咀見到有間好大食蘭州牛肉拉麵嘅鋪頭，於是就入咗去，嗰陣仲係下午茶時間，所以就試咗佢哋嘅下午茶餐，全部下午茶餐都大約係$60左右，唔算太平但係呢個份量來講又唔係好貴嘅。
蘭州牛肉拉麵+涼拌土豆絲 ~$60
店員講到明下午茶餐嘅份量係午餐嘅一半，不過其實成個面底份量都唔少，不過啲牛肉就淨係得三塊，而且仲要係非常薄切。
湯底: 清清地，帶少少牛肉味
麵: 其實類似刀削麵，煮得仲有少少咬口
牛肉: 講真咁薄都好難韌得去邊，不過份量同埋個口感就真係爭咁啲
整體嚟講，正正常常，唔需要特登去試。
另外下午茶會加送一個配菜，今次就揀咗涼拌土豆絲，就係一般嘅土豆絲，冇乜特別。
肉夾饃+烤羊肉 ~$60
雖然冇真係食過大陸嘅肉夾饃，但係都係香港好多唔同嘅陝西餐廳食過(eg 西香記)，呢個要咁我同平時食開嗰啲好唔同，佢入面啲肉唔係手撕肉，而係一粒粒肉碎，而且個味道有少少似咖喱味，唔係話唔好食純粹係覺得唔太正宗。
至於個外皮其實都考得幾香脆嘅，不過成個都幾油膩。
反而個烤羊肉嘅味道同埋質感又做得幾好，孜然味香，肉質淋，帶有少少羊蘇味，幾正。
烤雞翼 $18
味道同烤羊肉係同一個味，所以同樣都唔錯，不過又唔係食到好嘩然嘅。
味道:3.5/8
性價比:3.5/8
成間餐廳都好正常，絕對唔需要特別去食，但係如果咁啱經過冇嘢好食嘅話都可以食嘅，都唔算太伏。
張貼
