粒粒果甜品 (已結業)

食完飯想食甜品，周圍都好多人，經過呢間見到冇咩人排隊就試下，可能舖頭比較細，座位都比較逼，好多人都係外賣。入到去坐低就叫左珍寶芋圓同綠茶芭菲，可能人手唔夠，又多客，等候時間都比較耐。呢個珍寶芋圓 ($32) 可以揀凍同熱，又有唔同既湯可以揀，今次就試左黑糖薑水，芋圓入面係有餡既，分別有番薯🍠、芋頭同紫薯，但係佢啲顏色同個餡係唔一樣既😂以為食緊紫色係紫薯，但係又唔係😂每隻味都有兩粒，幾好食另外仲有仙草、珍珠、西米同紅豆，份量都幾多。芋圓比較實，唔係煙韌既，而個餡就實心，幾搶味。個湯既薑味就唔係好濃，如果好鍾意薑味重既就唔建議揀呢個湯。另外既綠茶芭菲 ($42) 除咗抹茶雪糕同紅豆，仲有粟米片、丸子同埋奶凍。抹茶味雪糕配紅豆係夾，不過，杯野都幾細，有啲唔抵🧐到走嘅時候就開始多人，要排隊，不過下次有得揀都唔會食返呢間