亞參雞飯 (已搬遷) 新店位置

店舖既入口有少少隱蔽，都要少少時間搵。去到可能係平日下午一點，但都唔使點等位，好快就安排咗二人座位。食物種類圍繞着馬來西亞菜式，譬如有檳城蝦麵，肉骨茶，班蘭咖央多士等等但係我反而想試吓舉聲稱可以做到99分嘅海南雞飯加杯薏米水。上菜速度都幾快，大概5分鐘到就已經上台，雞嘅份量都唔少，再配上一碗冬瓜清雞湯，同埋雞香飯。講吓啲雞先，講真真係幾香，同埋雞皮好有油香感，雞肉都好滑，同埋好有肉味。飯好夠熱，同埋油香，食落唔會覺得太油膩。一路食一路飲住個雞湯，滿口都係雞油香味。最後杯薏米水都好足料，味道正正常常。埋單98，合理價錢，味道唔錯，鍾意食海南雞嘅可以一試。