麥蛋糕 (已結業)

呢幾年都好興，大大件台灣古早味蛋糕🤗🍰街上面鋪頭數量都唔少，喺油麻地聞到好香，忍唔住買返一件試吓。味道種類唔少，最常見嘅芝士流心、抹茶紅豆、黑糖、原味，仲有芝士蛋糕添。因為太多選擇所以都諗咗好耐，同行友人係咁催我快啲揀嘢食好緊要，梗係要諗耐啲啦。芝士流心食過其他舖頭好多次，今次揀咗肉鬆蛋糕，因為知道媽咪鍾意食，大大件買返屋企一齊食~$80。 感覺有少少貴，返到屋企打開都真係幾大件，唔太甜幾好~蛋糕都幾鬆軟，不過不失。