一品螞蟻

營業中

休息中

同個朋友響黃埔附近做完嘢，諗住搵個坐得舒服啲嘅地方食過遲來的午餐，點知去到嗰間餐廳原來下午休息，所以就行咗去附近搵吓其他嘢食，結果就去咗一品螞蟻，入到去都唔算太多人，所以即刻有位。因為已經係下午茶時間，所以我哋都叫咗下午茶餐，一個係芝士鮮茄牛肉醬煮長通粉伴鮮黃金蛋，另外就係珍寶餐。長通粉出到嚟，賣相唔錯，分量唔錯，味道都唔錯，性價比唔錯。雖然明白係成本問題，但係珍寶餐裏面嗰塊所謂嘅牛扒係幾失望嘅，因為基本上只係一塊大小小嘅牛肉片，同埋仲要有啲乾。西多士上面嘅煉奶都係比較少，所以西多士食落有啲淡。整體嚟講有好有唔好，打和。