影片
更多
2022-04-23
1844 瀏覽
同埋屋企人去完香港公園，餐廳選擇不多，見到呢間餐廳有位就入左黎。因為我仔仔未到三歲，仲細，所以問下有無BB 椅同埋膠碗（我自己有帶小朋友餐具），侍應話無。去一啲比較出名嘅西餐廳，BB 椅同膠碗兩樣都無，我都係第一次。諗返我上個禮拜六去某西餐廳，有BB 椅、膠碗、膠餐具，仲有顏色筆同顏色紙俾小朋友玩，對比有啲大。咁我order 幾款食物，其中一個係all day breakfast, 裡面有炒蛋。我要求侍應想餐廳將個炒蛋炒熟啲，因為俾小朋友食的話，我都想食物係全熟，以免個仔腸胃唔舒服。侍應話啲食物一早煮好左（我諗類似煮定左，客人有order 就可以快啲出食物），所以無得話整熟啲。我心諗「咪將啲炒蛋放返落鑊炒多幾下⋯⋯有難度嗎？」咁我無問出口啦，我就照order，不過就無俾仔仔食蛋，但有俾佢食其他食物。我真係覺得呢間餐廳好唔flexible, 將已炒左嘅蛋再熟煮啲都唔得，就算叫你炒個隻，都好快啫，炒蛋咋喎⋯⋯？平心而論除左以上2 點，食物質素，餐廳環境係ok 嘅。同埋我地食完碟上食物，都好快有侍應黎收左個碟，呢樣係幾好，而且侍應都係有禮貌嘅。如果只係一班大人黎，或者我個小朋友大啲，應該唔會
因為我仔仔未到三歲，仲細，所以問下有無BB 椅同埋膠碗（我自己有帶小朋友餐具），侍應話無。
去一啲比較出名嘅西餐廳，BB 椅同膠碗兩樣都無，我都係第一次。
諗返我上個禮拜六去某西餐廳，有BB 椅、膠碗、膠餐具，仲有顏色筆同顏色紙俾小朋友玩，對比有啲大。
咁我order 幾款食物，其中一個係all day breakfast, 裡面有炒蛋。我要求侍應想餐廳將個炒蛋炒熟啲，因為俾小朋友食的話，我都想食物係全熟，以免個仔腸胃唔舒服。
侍應話啲食物一早煮好左（我諗類似煮定左，客人有order 就可以快啲出食物），所以無得話整熟啲。
我心諗「咪將啲炒蛋放返落鑊炒多幾下⋯⋯有難度嗎？」
咁我無問出口啦，我就照order，不過就無俾仔仔食蛋，但有俾佢食其他食物。
我真係覺得呢間餐廳好唔flexible, 將已炒左嘅蛋再熟煮啲都唔得，就算叫你炒個隻，都好快啫，炒蛋咋喎⋯⋯？
平心而論除左以上2 點，食物質素，餐廳環境係ok 嘅。同埋我地食完碟上食物，都好快有侍應黎收左個碟，呢樣係幾好，而且侍應都係有禮貌嘅。如果只係一班大人黎，或者我個小朋友大啲，應該唔會有咩問題。
坦白講，幾失望下。平時我無寫開食評，都忍唔住要寫返篇。
題外話/補充資料：
啲沙律菜幾好食, 好fresh
(以上食評乃用戶個人意見 , 並不代表OpenRice之觀點。)
張貼