影片
更多
2013-07-01
65 瀏覽
一心想去The One食吉列豬扒，無奈條隊長過乜咁，唯有退而求其次喺附近搵食。由於已經差唔多九點肚仔餓，所以求其入左呢間舖頭試一試。酸辣湯︰非常入味，酸同辣既比例啱啱好，唔會過份側重其中一方面。只可惜敗筆之處係「太油喇」！湯面落左好多麻油，已經整走左差唔多三四湯匙但係成碗野都重係好油。我明白落左麻油一定係香D，口感滑D，但係成口油既感覺真係好差！擔擔麵︰雖然只係D基本野，但絕對交到功課。湯底落足料之餘，更加要讚一讚佢落左榨菜同埋冬菇，令到麵既口感非常好，唔會好似坊間D麵齋到爆既感覺，抵讚！小籠包︰主角小籠包絕對係是晚亮點之一！一直聽聞金牌既小籠包非常出名，果然名不虛傳，皮薄之餘裏面既豬肉亦都非常juicy，一咬落口之後包裏面既juice即刻好似喺口裏面爆發咁，豬既肉汁同埋小籠包既皮夾雜埋一齊既口感超正！排骨炒飯︰一開始我以為係排骨「with」炒飯，點知上菜先知係「and」炒飯。Anyway，排骨炸得好鬆軟，亦都好入味，所以一入口既時候唔單只無熱氣既感覺，排骨既肉汁同埋調味料混埋一齊喺口裏面既化學作用更加令到本身已經鬆軟既肉質更為突出。只可惜美中不足既係炒飯，飯粒硬食到肚仔唔舒服唔在講，
酸辣湯︰非常入味，酸同辣既比例啱啱好，唔會過份側重其中一方面。只可惜敗筆之處係「太油喇」！湯面落左好多麻油，已經整走左差唔多三四湯匙但係成碗野都重係好油。我明白落左麻油一定係香D，口感滑D，但係成口油既感覺真係好差！
擔擔麵︰雖然只係D基本野，但絕對交到功課。湯底落足料之餘，更加要讚一讚佢落左榨菜同埋冬菇，令到麵既口感非常好，唔會好似坊間D麵齋到爆既感覺，抵讚！
小籠包︰主角小籠包絕對係是晚亮點之一！一直聽聞金牌既小籠包非常出名，果然名不虛傳，皮薄之餘裏面既豬肉亦都非常juicy，一咬落口之後包裏面既juice即刻好似喺口裏面爆發咁，豬既肉汁同埋小籠包既皮夾雜埋一齊既口感超正！
排骨炒飯︰一開始我以為係排骨「with」炒飯，點知上菜先知係「and」炒飯。Anyway，排骨炸得好鬆軟，亦都好入味，所以一入口既時候唔單只無熱氣既感覺，排骨既肉汁同埋調味料混埋一齊喺口裏面既化學作用更加令到本身已經鬆軟既肉質更為突出。只可惜美中不足既係炒飯，飯粒硬食到肚仔唔舒服唔在講，蛋同埋葱花完完全全一粒粒咁散開晒，就好似三樣野分開炒然後放埋一齊「係咁易」炒一炒再上碟咁，完全食唔出炒飯應有既蛋香同葱既香味，好失望呀！Overall 不過不失啦！始終呢D唔係D乜野特別難整既野，不過下次有機會真係要試下佢果D甜既小籠包，個感覺應該好特別！
張貼
