紅米 (已結業)

原本約左男朋友係佢番工地方附近食午餐。點知佢忙到連Lunch 都無時間出黎，只好自己一個隨便搵間餐廳。路過見到有間叫「RedRice」名字蠻有趣的。午飯時間人流都幾多，幸好一個人用餐不需等候。叫了一個自家鮮茄湯米線 配板煎烤雞( $39)烤雞扒不錯，不會太乾身，肉質也不會太老。米線份量都不少，對於一個女仔黎講都挺多。但個湯底就無視覺上感覺咁濃味，實際味道比較淡。整體而言，賣相不錯，食物質素可以接受，這個價錢算是不過不失。