Riso Café (已結業)

三點幾睇完戲落商場行陣，行過幾香攪到有o的口痕就去試下喇~tea set 都幾多選擇，我就簡o左 芥辣蜜糖香腸 (半份) 、 蜜香葡萄乾脆香包 (半份) 配 菠蘿阿囉哈，再加多$12要多個焗薯角。點餐o個陣個姐姐俾我再加多樣野食，我就加杯雪糕試o下喇~如果大家唔趕住食、要傾o下計飲o下野的話，呢度就幾o岩你喇，皆因呢度o既上菜速度都真係幾慢...廚房得幾丁人，做都做死佢地......唔怪得好似咩都要用微波爐咁啦...先上枱o既係菠蘿阿囉哈，用菠蘿+芒果製成，有果味但係覺得有o的稀，水水地咁。飲落都幾解渴o既~等o左好耐終於有野食o黎喇!! 係蜜香葡萄乾脆香包。蜜糖+葡萄乾 烘焗 英式鬆餅，英式鬆餅烘得半脆，配埋蜜糖正呀!之後就黎埋個芥辣蜜糖香腸。蜜糖煎香腸，皮唔太脆仲有小小咽靭，可能係蜜糖o既關係啦。蜜糖香腸本身都已經好好味，點埋芥辣醬更醒胃~跟接住上枱o既係焗薯角。上到枱都仲好熱，焗o個陣加o左o的黑椒，食落微辣、醒神。好味，勝在夠熱辣辣~最後o既雪糕，以雙球雪糕 + 粟米脆片 + 朱古力醬組成，無特別驚喜，還可以啦。呀! 仲有仲有，今日去食撞正商場有function，佢以開揚式設計