金寶泰國菜館

營業中

休息中

和5個朋友約埋一齊聚會，就揀定這間泰國菜。一早已經book位，七點到，場內已經有唔少客人，一到對完資料即有位，唔使齊人入座。九龍城地處偏僻，預左交通不太方便，店家留左一入門口張大枱比我地，隨便坐，十分闊落，店家服務態度很好，幾個朋友遲到，我兩個人先落座都冇收到異樣眼光，上菜快，收碟好及時，小食拼盤跟一兜香葉，我不明白點配搭，問店家，店家雖然忙都願意答復，中間遇到差人抄牌，店家仲大聲通知食客哈哈。食物方面，除了甜品，樣樣都好食，尤其是炒金邊粉，最令我眼前一亮，金邊粉口感非常好，絕對要一試冬陰功湯都好飲，叫個細份每人一碗小嘗味道，很暖心。最受歡迎要屬生菜包肉碎，好食到未黎得切影相已經清兜，不過分量偏少。甜品要攞出黎批評。特意叫左甜品拼盤，但冇樣好食，樣樣失色，唯一合格就係芒果糯米飯的芒果和紫米，淋上面的椰漿都略失色，連我在泰國機場買的芒果糯米飯都樣樣出色過佢。這間確實煮得好食，但這種好食是出邊（例如旺角）都食得到的程度，需唔需要特意入九龍城食就見仁見智，或者等宋王臺站開左會來得多d（宋王臺站就在呢間鋪隔離街）。