煌府西九龍 (已結業)

難得同屋企人黎到深水埗，揀咗呢間方便就腳嘅酒樓。星期日關係，好多人等位，就一邊傾計一邊等。入到去已經聞到好香嘅味道，原來喺門口位置放咗一煲煲點心有沙薑雞腳、豬腳薑、鳳爪....唔夠櫈坐，部長好快攞櫈過黎埋位即刻攞起點心紙劃好快點心就送到面前喺門口已經俾豬腳薑吸引住，梗係要食一碟啦，豬腳夠淋，可惜唔夠入味。蝦餃都係一般黑松露燒賣夠特別，黑松露味夠突出，同蝦好夾蘿蔔糕較軟身，唔夠香脆蘿蔔酥外表夠脆，但入面蘿蔔蓉唔夠，無咩蘿蔔味反而沙薑雞腳夠入味薄罉唔夠脆酥炸魷魚鬚夠脆夠香口，好快就清晒碟總括黎講不過不失啦，有進步空間