Applegreen (已結業)

經過見到set dinner 有新menu！幾個月前食都係$298加一，冇加價～餐湯係南瓜湯，唔係太熱，有d 南瓜肉，感覺幾健康。杏仁片雞絲沙律生菜絲撈晒沙律汁，好夠味，味道酸酸甜甜。上次食見到生菜邊變啡色生左銹，今次就冇喇。Nacho格格薯脆睇落好吸引，最喜歡sour cream 同牛油果！只可惜薯格係微溫唔係熱辣辣，扣晒分。6oz Ribeye五成熟肉眼扒，內裡煎到粉紅色。應該冇用鬆肉粉所以肉質好韌，亞媽崩牙冇力咬。菠蘿一貫的超juicy，酸酸甜甜。薯條份量多。Mushroom Pasta好creamy 但味道好清淡，冇味，有五六塊大大粒磨菇。總括，價錢吸引但質素有待改進。