関東酒場 (已結業)

大角咀清酒放題，餐廳位置雖然唔算方便，但飲酒放題真係好吸引，一於試試佢。同朋友揀咗松放題，本身擔心只係得小食會唔會唔夠飽，但每人三款關東煮兩款小食，另外我哋仲叫咗一個燒物盛盒，原來係會飽到反艇🤣一坐低梗係叫兩杯果酒解解渴先，檸檬柚子酒、蜜柑酒，呢兩款都非常好飲，去到最後我一個人飲咗各三杯，不斷encore同樣嘅酒。中途都有試佢嘅九頭龍清酒，不過可能女仔都係鍾意飲啲甜甜地易入口嘅酒，所以最後都係不斷飲返果酒🤣關東煮感覺上係不斷煮緊，好似便利店嗰啲丸物咁，比較淋身。炸雞軟骨，香口，送酒一流。炸雞塊芥末八爪魚配紫菜花魚一夜干蟹肉蟹膏甲羅燒，總係覺得蟹膏偏鹹應該要配白飯🤣可以唔計住計住，想飲咩就叫咩叫感覺真係好爽，鍾意飲酒嘅朋友真係要試一試。