川婆婆 (利園山道) (已結業)

這次見銅鑼灣開咗間新嘅川婆婆，就入去試下先，我叫咗酸菜魚、香辣台灣腸、香辣魚皮餃，仲有炸大腸，全部都係辣點可能唔飲嘢，叫咗荔枝伯爵紅茶。係食物個方面，在我來講，我覺得香辣台灣腸及香辣魚皮餃都係一般，因為佢既湯底係用麻辣燙，將台灣腸再加魚皮餃煮熟後，再落辣椒粉，冇乜特別。跟住我要講既係炸大腸，話明炸大腸係炸，咁啫係炸到脆卜卜聲，但，相反我食唔出卜卜聲，反而有點韌。不過，我要讚賞下，佢嘅酸菜魚，酸菜魚真心係唔錯。佢既酸菜魚係魚塊，但我都食到有少許魚骨，所以我建議要小心慢慢食。酸度適中，辣度有得揀大中小辣，我就叫咗小辣，對我嚟講小辣係我接受到既辣度。酸辣魚嘅配菜方面有海帶、芽菜、酸菜、大白菜等等，海帶、芽菜爽口，酸菜我平時唔係好食，我都食到，咁大白菜入到味，整體而言酸菜魚，值得推介👍🏾係飲品方面，荔枝伯爵紅茶，荔枝味比較淡，基本上伯爵紅茶搶奪咗荔枝味，但都好飲嘅，又或者係伯爵紅茶味本身帶有少少似荔枝味，所以先叫荔枝伯爵紅茶。