上海姥姥 (馬鞍山廣場)

營業中

休息中

星期五晚，同媽媽行開新港城。大概七點，見到上海姥姥出面大排長龍。見到佢咁受歡迎，就試下佢啦。入到去都坐得幾舒服，唔會太逼。等左大概十分鐘就上菜啦。蒜蓉白菜。油唔算太多，味道都適中。唔錯 擔擔麵。份量十分之多。一個女仔一定食唔晒! 肉碎略嫌太少。整體幾好食!冷盤三拼，薰魚，豬手，醉雞。最好食呢個! 薰魚唔會太多骨，細骨都可以食落肚。醉豬手既味道十分好，酒味岩岩好，食落精神! 醉雞就反而比較多骨，而且肉唔多，有少少食到成口骨都未食到肉。建議各位可用燻蛋去取締呢個。招牌小籠包都好正! 皮不會太厚，肉質彈口，一咬穿皮已有湯流出。正! 食物味道不錯。兩人食咁多野係食到超飽! 埋單$200。價錢公道。