新嘉美茶餐廳 (已結業)

今晚同D friends 睇黃子華，所以喺附近食晚飯。呢間茶餐廳都幾乾淨喎，所以嚟呢度試吓囉。我哋四個人叫咗三個餸，有焗豬扒飯、咖哩雞飯、西蘭花炒班片+例湯、和三杯飲品。焗豬扒飯- 好大份喎，炒飯底，又多汁，味道都唔錯喎，塊豬扒醃得幾好味tim，質感又好。西蘭花炒班片 - 賣相唔錯，份量都算大，班片都算多，好香嘅蒜蓉味，好味道呀。咖哩雞飯 - 呢個就一般啦，個咖哩汁都OK，但雞就冇味，麻麻哋啫。例湯都好味，杯奶茶都幾香滑，濃得嚟又冇苦味，正。埋單 ~$140，價錢算OK，waitress 又好有禮貌，小炒質素都幾好，我哋都幾滿意。