越味皇 (已結業)

晚上11點左右，不夜天嘅荃灣都有幾多嘢食可選擇，原先想去龍門冰室試下，點知見到都好多人，所以就決定去旁邊一間越南野試吓，入到去服務員都好有禮貌打招呼，坐低先睇睇餐牌先其實印象之中好似兩年前試過2人套餐，記得味道都唔錯嘅，咁今次食宵夜就試吓少少好啦，咁我就要咗個越式豬扒撈檬，我女朋友就叫咗個一人套餐，越味生牛肉河粉，迷你越式酸辣鳳爪，龍眼冰，好快就黎到啦嚟咗個前菜先，無骨鳳爪配龍眼冰，鳳爪味道唔錯，龍眼冰正常，首先講咗個豬扒撈檬先，我之前食開啲越南野撈檬都要加錢，而家唔使加幾好，豬扒份量都算唔錯，味道都好味，至於個生牛肉湯河就一般般，不試都無妨，$50左右一碗麵，價錢方面都正常，下次會再嚟試吓。