醉江南

營業中

休息中

喺太子附近行完街突然之間好想食上海野於是就去到呢一間叫做醉江南嘅餐廳。餐廳嘅裝修係好平民化，但係都叫坐得舒服。我哋三個人叫咗四樣嘢食:清炒草頭呢款菜式似乎唔係好多地方有得食我覺得幾特別而且呢間餐廳炒落去嘅菜唔會感覺好油膩草頭嘅質感係有啲爽口，好似係爽爽地嘅豆苗咁韮黃鱔糊呢味菜我就認為佢咸咗小小，不過個份量亦都唔錯，鱔亦都好新鮮上海粗炒味道啱啱好唔會好鹹而且份量亦都好大碟砂鍋雲吞雞半隻呢一味菜係我全晚最欣賞嘅啲雞非常之嫩滑而且黃芽白嘅份量係非常非常非常多食極都有。除此之外雲吞嘅味道亦都唔錯個湯亦都很濃郁