影片
更多
2017-02-05
1608 瀏覽
春節期間，吃了不少賀年糕點和煎炸食物，美味卻油膩，是時候吃些齋菜，清理腸胃。記得早幾天瀏覽「新餐廳」網頁時，發現灣仔開咗間取名《東方素》嘅新素菜館，見風評不俗，而且除了傳統中式齋菜外，還有注入西式元素的新派素菜供應，所以趁這天要來灣仔辦點事，就順道過來吃頓午飯。原來店子是位於軒尼詩道 239 號 3 樓，記得這裡前身是間主打西日美食的酒吧餐廳，而且牆上還配有以水族館為主題的大螢幕。經變身後，店內裝潢光鮮，與一般摩登餐廳無異，尤其是當中嘅特長吧檯位，面對著一大片綠油油的植物，完全打破傳統齋菜館嘅老餅形象，令人眼前一亮。四周的小擺設，以至檯上的杯碟和茶具，全都一絲不苟，帶日式風味。入座後先拿起餐牌細閱，全日套餐共有三款，分為 2 位、4 位和 6 位，定價由 $288-$598 不等。再揭開散點餐牌，項目包括有涼菜、沙律、熱菜、主食、招牌主打菜、湯羹、甜品及健康飲品，另外茶每位 $12，設加一服務費。店員見我倆拿著餐牌，左翻右揭，問是否有興趣一試黑板上嘅香草芝士鮮淮山或羅勒醬香酥骨，原來除了餐牌上的菜式外，餐廳每日都會有幾款 off menu 嘅特別推介，以供客人選擇。由於兩口子食量不大，
春節期間，吃了不少賀年糕點和煎炸食物，美味卻油膩，是時候吃些齋菜，清理腸胃。記得早幾天瀏覽「新餐廳」網頁時，發現灣仔開咗間取名《東方素》嘅新素菜館，見風評不俗，而且除了傳統中式齋菜外，還有注入西式元素的新派素菜供應，所以趁這天要來灣仔辦點事，就順道過來吃頓午飯。
原來店子是位於軒尼詩道 239 號 3 樓，記得這裡前身是間主打西日美食的酒吧餐廳，而且牆上還配有以水族館為主題的大螢幕。經變身後，店內裝潢光鮮，與一般摩登餐廳無異，尤其是當中嘅特長吧檯位，面對著一大片綠油油的植物，完全打破傳統齋菜館嘅老餅形象，令人眼前一亮。
四周的小擺設，以至檯上的杯碟和茶具，全都一絲不苟，帶日式風味。
入座後先拿起餐牌細閱，全日套餐共有三款，分為 2 位、4 位和 6 位，定價由 $288-$598 不等。再揭開散點餐牌，項目包括有涼菜、沙律、熱菜、主食、招牌主打菜、湯羹、甜品及健康飲品，另外茶每位 $12，設加一服務費。
店員見我倆拿著餐牌，左翻右揭，問是否有興趣一試黑板上嘅香草芝士鮮淮山或羅勒醬香酥骨，原來除了餐牌上的菜式外，餐廳每日都會有幾款 off menu 嘅特別推介，以供客人選擇。
由於兩口子食量不大，所以只簡單點了羅漢齋炒麵和四季豆各一客。率先送上的竹笙羅漢齋炒麵 ($88)，分量頗大，而且做得非常稱職，用料十足，有雲耳、花菇、小唐菜、野生竹笙和玉米筍等。麵條炒得非常脆口，乾身不油，入口不感油膩，水準的確唔錯，實在值得一讚。
至於另一客配上三色椒的乾煸靈菇仔四季豆 ($68)，食味亦令人滿意。四季豆食落不但夠火喉，而且鑊氣十足，煸得乾身香口，夠曬爽脆，加上口感柔韌的靈菇仔，簡直無得輸，超讚。
離開時發現餐廳原來星期一至五，有午市套餐供應，三餸一湯，$48 起，非常經濟，下次路過要再來品嘗。
張貼
