墾丁茶房 (已結業)

同朋友去完mega box，開始好肚餓，見到呢間好似幾抵玩，所以就入黎試下，同埋因為都算早，所以唔係等左好耐，就好快有得入坐。二人餐有皮蛋凍豆腐，我嗌左個滷水拼盤，口水惹味雞，雲腿菜肉餛飩雞鍋，香茹肉燥飯。好多野食，食到勁飽，每人百頭有找，幾唔錯。先講下我最中意既雲腿菜肉餛飩雞鍋，佢真係好香，d料又足，個湯又好飯，配飯真係一流!!佢個滷水有蛋豆腐，蘿蔔、牛腱同雞翼，樣樣都好入味！個肉燥飯都唔錯！咸淡適中！個口水雞都幾正，d肉好滑好嫩！個豆腐好大舊，皮蛋夠味，唔錯！