椰林閣餐廳 (已結業)

得知前身係舊時紅磡小店，決定去試，據街坊講，以前喺紅磡好細，只有2個人工作，可以話係捱出嚟嘅。今時今日，受最低工資影響，已經冇乜人肯投身餐飲業，老闆仍堅持，已值得欣賞。今日嚟食午餐，叫左“安格斯牛肉漢堡”套餐，有餐湯、餐包，仲包埋飲品。餐湯係蘑菇忌廉湯，好少飲到唔係罐頭湯，飲得出有菇味！買開餸會知其實蘑菇都幾貴。牛肉漢堡食得出並非手打，但呢個價錢加份量，已經超額完成！入面有Romaine菜、車打芝士、蕃茄，食落有肉汁，仲想點？薯條係Outback嗰啲，不過，我覺得偏咸。飲品算唔錯，即磨咖啡上有層咖啡油，味道夠濃，亦不太酸。