Fast Taste (金碧閣) (已結業)

本身想去一間平時去開嘅餐廳食lunch ，但係太多人要排隊，見到隔離呢間少人啲，同埋又未試過，於是就入去試吓。佢有個lunch set，我就叫咗香脆魚柳漢堡，佢仲會送薯條，個餐都包左一杯飲品，我就叫咗金桔檸檬，同埋加多＄9可以要多個沙律，餐湯，同埋一款小食，我就要左雞翼。上食物嘅速度都幾快，金桔檸檬味道有啲淡，但可接受。雞翼就唔會太乾，味道都唔錯，唔會太鹹。至於主角魚柳漢堡，佢個包比較軟身，配合香脆嘅魚柳口感幾好，但係我就覺得味道有啲唔夠，可能因為我重口味。仲有啲薯條唔會太乾太硬，成個set都可以叫做平靚正，都值得一試。