影片
更多
2021-02-24
340 瀏覽
食得成「貓之眼」其實要多謝老闆！話說，去到門口就有好多人排隊然後由玻璃窗望入食店，已坐滿人加上，小店嘅空間通常比較細輪椅入去嘅話一定會佔去人哋好多位一心打算買外賣就算，但原來漢堡扒係無得take out。後來同老闆傾多兩句，佢就話「入嚟啦，排隊等，盡量安排位置比你」就係咁，我成架輪椅入咗去坐 😍 真係坐得好舒服又食得好自在😌食店嘅裝潢好日本小店feel多謝「貓之眼」老闆！為咗報答你嘅好意，我決定食哂成碟飯！不過真心覺得好食！一粒飯都無剩同朋友分別叫咗🔸咖喱豬肉 + 和牛漢堡蛋飯 🍛- 賣相真係不得了！非常吸引！而且好香。白米來自日本，圓碌碌又飽滿，咬落有彈性，就算有汁，白飯都唔會浸到軟爛。另外，佢嘅蛋真係好滑，蛋味好突出。自己一向對日式咖喱都唔算好有好感，因為唔太鍾意偏甜嘅咖哩。不過呢度嘅咖喱又令我食得幾舒服，每一啖咖喱都帶有甜味，咖喱裏邊有好多洋蔥紅蘿蔔，最重要甜之中有黑胡椒嘅辣味，非常好送飯，豬肉片軟淋，唔錯唔錯。又講吓牛漢堡，唔知大家有無睇過動漫或者日劇，好多時都會有漢堡扒嘅出現，每家每戶都會做嘅家庭餸。咁究竟日式漢堡扒同一般西式漢堡扒(eg.漢堡包)有咩分別呢？關鍵就係有無加麵
食得成「貓之眼」其實要多謝老闆！話說，去到門口就有好多人排隊
然後由玻璃窗望入食店，已坐滿人
加上，小店嘅空間通常比較細
輪椅入去嘅話一定會佔去人哋好多位
一心打算買外賣就算，但原來漢堡扒係無得take out。
後來同老闆傾多兩句，佢就話「入嚟啦，排隊等，盡量安排位置比你」
就係咁，我成架輪椅入咗去坐 😍
真係坐得好舒服又食得好自在😌
食店嘅裝潢好日本小店feel
多謝「貓之眼」老闆！
為咗報答你嘅好意，我決定食哂成碟飯！
不過真心覺得好食！一粒飯都無剩
同朋友分別叫咗
🔸咖喱豬肉 + 和牛漢堡蛋飯 🍛
- 賣相真係不得了！非常吸引！而且好香。
白米來自日本，圓碌碌又飽滿，咬落有彈性，就算有汁，白飯都唔會浸到軟爛。另外，佢嘅蛋真係好滑，蛋味好突出。
自己一向對日式咖喱都唔算好有好感，因為唔太鍾意偏甜嘅咖哩。不過呢度嘅咖喱又令我食得幾舒服，每一啖咖喱都帶有甜味，咖喱裏邊有好多洋蔥紅蘿蔔，最重要甜之中有黑胡椒嘅辣味，非常好送飯，豬肉片軟淋，唔錯唔錯。
又講吓牛漢堡，唔知大家有無睇過動漫或者日劇，好多時都會有漢堡扒嘅出現，每家每戶都會做嘅家庭餸。
咁究竟日式漢堡扒同一般西式漢堡扒(eg.漢堡包)有咩分別呢？關鍵就係有無加麵包糠，食落嘅口感亦大不同。貓之眼做嘅漢堡扒就係日式，texture係好軟、棉、滑，有啲人會認為texture好軟爛、鬆散，「肉感」唔夠，呢個亦係佢嘅特色，所以好睇個人鍾唔鍾意嗰種口感，我自己就一般啦，但又唔討厭嘅，調味都OK呀，唔會好鹹，整體係溫和嘅。
🔸 咖哩 + 濃茄汁牛漢堡蛋飯 (朋友嘅)
- 基本上同我嘅差唔多，但佢換咗濃茄汁版。茄汁係同牛肋肉熬製而成，茄味濃，帶甜，日式嘛。內裡有牛肉粒粒食吓，都係軟身為主，送飯零難度。
‼️♿️ 門口有一級，輪椅朋友想去嘅話，一定要帶斜板！
不過，食店都有啲迫，揸車要好好技術。買外賣都OK嘅，但漢堡扒就唔可以買take out喇。
張貼
