影片
更多
2009-08-09
20 瀏覽
星期三，阿姨相約我地去食日式放題。一行九人，安排坐喺一入門口左邊的長形枱。限時兩個鐘，一坐低就即刻睇紙仔，睇吓有咩食。食物種類都多，有串燒、爐端燒、壽司、手卷、刺身、鍋物、天婦羅等。我地咩都有叫d黎試吓，好味先再叫多d。刺身有三文魚、吞拿魚、鱆紅、象拔蚌條、榮螺同赤貝。仲每人附送一隻甜蝦。三文魚新鮮，十分肥美。有一次仲係腩位，魚油味更出，好味！象拔蚌條都好味，好爽口也帶點鮮味。榮螺雖爽口，但無鮮味。赤貝唔太新鮮，質地淋，唔爽口亦無鮮味！附送嘅甜蝦雖唔大隻，但都好新鮮美味！手卷/ 壽司蔥吞拿魚腩手卷：手卷麻麻地。紫菜好快就淋。蔥同吞拿魚各佔一邊；吞拿魚無味，係鮮味同魚味都無！甜蝦壽司：呢個ok，甜蝦雖然細隻，但都新鮮。飯細細舊，食多幾舊壽司都唔會太飽。魚奶湯阿媽同阿姨都超鍾意飲！魚湯火候十足，味道濃；入口滑流！除咗湯，每碗仲有紹菜。辣菜豚肉鍋好味！夠熱！湯底帶點辣，惹味。豚肉薄切，無豬羶味，幾好又唔會太肥。配料還有好滑嘅豆腐、紹菜同鮮冬菇。石狩鍋冷面：一小碗，無咩特別，連個冷麵汁都係超普通。牛肉烏冬：牛肉係一般肥牛貨色。烏冬係扁身的，應是乾烏冬煮熟的。味道不會帶酸。湯底無咩特別，咸咸地帶
一行九人，安排坐喺一入門口左邊的長形枱。
限時兩個鐘，一坐低就即刻睇紙仔，睇吓有咩食。
食物種類都多，有串燒、爐端燒、壽司、手卷、刺身、鍋物、天婦羅等。
我地咩都有叫d黎試吓，好味先再叫多d。
刺身有三文魚、吞拿魚、鱆紅、象拔蚌條、榮螺同赤貝。
仲每人附送一隻甜蝦。
三文魚新鮮，十分肥美。有一次仲係腩位，魚油味更出，好味！
象拔蚌條都好味，好爽口也帶點鮮味。
榮螺雖爽口，但無鮮味。
赤貝唔太新鮮，質地淋，唔爽口亦無鮮味！
附送嘅甜蝦雖唔大隻，但都好新鮮美味！
手卷/ 壽司
蔥吞拿魚腩手卷：
手卷麻麻地。紫菜好快就淋。
蔥同吞拿魚各佔一邊；吞拿魚無味，係鮮味同魚味都無！
甜蝦壽司：
呢個ok，甜蝦雖然細隻，但都新鮮。
飯細細舊，食多幾舊壽司都唔會太飽。
魚奶湯
阿媽同阿姨都超鍾意飲！
魚湯火候十足，味道濃；入口滑流！
除咗湯，每碗仲有紹菜。
辣菜豚肉鍋
好味！夠熱！
湯底帶點辣，惹味。
豚肉薄切，無豬羶味，幾好又唔會太肥。
配料還有好滑嘅豆腐、紹菜同鮮冬菇。
石狩鍋
冷面：一小碗，無咩特別，連個冷麵汁都係超普通。
牛肉烏冬：牛肉係一般肥牛貨色。
烏冬係扁身的，應是乾烏冬煮熟的。味道不會帶酸。
湯底無咩特別，咸咸地帶點甜味。
泡菜：唔辣嘅，反而甜甜地！醃得未夠時候。
蒸蛋：好滑，有好多蟹柳。
爐端燒/ 串燒
燒三文魚頭
牛脷
切片，厚度適中。
口感軟稔，唔會鞋又唔會韌；
味道帶甜，視乎個人口味，有d人可能會覺得甜咗少少。
雞翼
無咩味，好似無醃過咁。
燒得外皮夠乾，而入面d肉仲有d juicy 嘅！
秋刀魚：煎得夠乾身；魚新鮮無腥味。
鯖魚
要一讚呀！好闊佬，同其他放題店不同，唔會只俾一舊，而係完條上！
魚外層燒得夠乾身，魚本身好新鮮，肉好嫩滑。
魚油不會太多，真係好好味！
牛柳串
兩粒牛柳粒夾住一粒車厘茄。
牛柳粒有牛味，燒完仲juicy；
口感ok的，唔鞋，帶點嚼頭。
牛仔骨
大家都讚好。
牛仔骨唔會太肥，脂肪均勻。肉質幾嫩，無筋。
醬汁惹味，不會太杰；帶點甜，醃得入味。
雞軟骨：炸得好脆，不過帶點乾身，調味一般，味道偏淡。
帶子：用上急凍帶子，細細粒，無鮮味，幸好唔會韌又唔會有雪味；醬汁味道也是帶甜。
魷魚鬚：切成一段段；魷魚鬚不會太粗，唔會韌喎！
吉列蠔
蠔雖然唔係大隻，但好新鮮，蠔味重...
炸後仍非常juicy，一咬就爆汁！
吉列炸漿不會太厚；炸得香脆！
天婦羅：我無食，不過佢地話炸漿較厚
雪糕
抹茶正正正！
綠茶味與奶味均稱，不會太苦或太奶。
又不會好甜；口感很滑，不會食到碎冰。
漏單情況只出現咗一次，服務員會幫我地check check, 如果真係漏咗就即刻幫我地再劃過。
服務不錯，有些服務員有禮貌，但也有一個面黑。
環境算唔錯，坐得唔會太迫。
最好就係當晚d食客唔太嘈，傾偈好好多。
張貼
