影片
更多
2008-10-27
每枱免費增送一個黑糖麵包！黑糖味濃，配埋新鮮既牛油一齊食，味道一絕！點一份扒，可以選擇餐湯或沙律！我建議大家去食既時候可以一半人要沙律，一半人要湯！因為個沙律超大碟！我地唔可以睇小美式餐廳既威力！沙律裡面既蔬菜好新鮮，而餐湯有不同口味，兩者都值得一試！環境都可以既，但有時會比較嘈一d......除咗紅白酒之外，好多人都會飲啤酒架！1.) 炸雞膇拼燒肋骨 $70！肋骨味道一般，偏咸，但已經好味過一般既餐廳！雞膇返而味道唔錯，附上一個芝士醬，但食原味我會覺得較為好味！因為個醬唔太搭！雞膇可以選擇大、中、小or 唔辣！因為有小朋友，因此我地食小辣.....(直程冇辣味)2.) 紐約牛扒12安士$188，七成熟！唔屬重牛味，肉質好鬆化，有少少根，抵食之選！配菜可以自由配，可選擇兩款！呢個焗薯我超鍾意食，主要都係因為個薯仔本身既味道好重！另外，飯既味道都唔錯，佢放咗湯落去煮，不過就較為淋身...3.) 西冷扒8安士$128，半生！係我至愛，因為牛味最重！不過佢而家將件西冷既切法改咗做厚切，會令到西冷本身條根更難切或咬開，食既時候會比較難咀嚼！呢點係唯一敗筆之處......4.) 燒牛肉8
每枱免費增送一個黑糖麵包！黑糖味濃，配埋新鮮既牛油一齊食，味道一絕！點一份扒，可以選擇餐湯或沙律！我建議大家去食既時候可以一半人要沙律，一半人要湯！因為個沙律超大碟！我地唔可以睇小美式餐廳既威力！
沙律裡面既蔬菜好新鮮，而餐湯有不同口味，兩者都值得一試！環境都可以既，但有時會比較嘈一d......除咗紅白酒之外，好多人都會飲啤酒架！
1.) 炸雞膇拼燒肋骨 $70！肋骨味道一般，偏咸，但已經好味過一般既餐廳！雞膇返而味道唔錯，附上一個芝士醬，但食原味我會覺得較為好味！因為個醬唔太搭！
雞膇可以選擇大、中、小or 唔辣！因為有小朋友，因此我地食小辣.....(直程冇辣味)
2.) 紐約牛扒12安士$188，七成熟！唔屬重牛味，肉質好鬆化，有少少根，抵食之選！
配菜可以自由配，可選擇兩款！呢個焗薯我超鍾意食，主要都係因為個薯仔本身既味道好重！另外，飯既味道都唔錯，佢放咗湯落去煮，不過就較為淋身...
3.) 西冷扒8安士$128，半生！係我至愛，因為牛味最重！不過佢而家將件西冷既切法改咗做厚切，會令到西冷本身條根更難切或咬開，食既時候會比較難咀嚼！呢點係唯一敗筆之處......
4.) 燒牛肉8安士$188，6成熟！攞到出嚟baby話感覺太生，然後佢地攞入廚房再煎煎佢！煎完出嚟，都只係好返少少！燒牛肉質好幼嫩，不過牛味好淡，並唔係我心頭好！
去Outback食既原因係佢既牛扒係新鮮扒，唔會落調味掩制，咁先可以食到牛肉既原汁原味架！鍾意食牛既朋友，不防一試啦！
張貼
