影片
更多
2018-12-14
527 瀏覽
今日約左個中學同學出黎食飯，大家都太忙呢!😫 約左好耐先約到😅今晚間餐廳係朋友介紹既，係木馬主題既餐廳，仲要臨近聖誕，餐廳已經佈置左唔少聖誕裝飾，我自己就覺得木馬加聖match, 令到氣氛更濃厚！ 入到去餐廳唔算大，安排左我地坐近門口位置既二人檯，有少少逼，但都ok。我地睇左一輪menu, 決定唔叫set dinner, 散叫，叫多唔同既野食！最後我地叫左凱薩沙律，辣辣雞翼，黑松露薯條，同埋海鮮意粉。我朋友叫左一壺玫瑰花茶，我就叫左杯軟綿綿朱古力～ 叫左都唔知有冇10分鐘，沙律同意粉就到左，上菜速度非常之快。沙律既菜好爽脆，不錯既！ 海鮮意粉有驚喜！起初見佢係白汁，都怕會好膩，但呢度既白汁食完冇好膩既感覺，濃度剛好！而且意粉係我最鐘意既口感，唔會勁淋！ 食到咁上下，花茶同朱古力都黎左，由於我地二人檯，放左意粉同沙律都差唔多冇哂位，侍應都好細心咁幫我地暫時拎開樽水，等我地鬆動d！ 抵讚！ 花茶我冇試，但我杯朱古力唔錯！唔太甜，又有可可味，近年我飲既朱古力5大之一，真係好驚個d死甜！無幾耐，雞翼同薯條都黎到！ 雞翼唔太辣，唔係好食得辣既可以試下，入面既雞肉都好滑，冇雪味！最緊要係夠熱！ 好
約左好耐先約到😅今晚間餐廳係朋友介紹既，
係木馬主題既餐廳，仲要臨近聖誕，餐廳已經佈置左唔少聖誕裝飾，我自己就覺得木馬加聖match, 令到氣氛更濃厚！
入到去餐廳唔算大，安排左我地坐近門口位置既二人檯，有少少逼，但都ok。我地睇左一輪menu, 決定唔叫set dinner, 散叫，叫多唔同既野食！
最後我地叫左凱薩沙律，辣辣雞翼，黑松露薯條，同埋海鮮意粉。
我朋友叫左一壺玫瑰花茶，我就叫左杯軟綿綿朱古力～ 叫左都唔知有冇10分鐘，沙律同意粉就到左，上菜速度非常之快。
沙律既菜好爽脆，不錯既！ 
海鮮意粉有驚喜！起初見佢係白汁，都怕會好膩，但呢度既白汁食完冇好膩既感覺，濃度剛好！而且意粉係我最鐘意既口感，唔會勁淋！
食到咁上下，花茶同朱古力都黎左，由於我地二人檯，放左意粉同沙律都差唔多冇哂位，侍應都好細心咁幫我地暫時拎開樽水，等我地鬆動d！ 抵讚！
花茶我冇試，但我杯朱古力唔錯！唔太甜，又有可可味，近年我飲既朱古力5大之一，真係好驚個d死甜！
無幾耐，雞翼同薯條都黎到！ 雞翼唔太辣，唔係好食得辣既可以試下，入面既雞肉都好滑，冇雪味！最緊要係夠熱！ 好多時係出面都係食到d野係唔熱！ 完全影響哂d食物！
黑松露薯條，重點係個黑松露醬，出面好多為左突顯黑松露味有時都會重手左，其實黑松露係剛剛好就可以，呢度既黑松露醬就做到啦！ 搞到我都不自禁地係咁食薯條！ 🙈
食到咁上下，我地叫左個朱古力心太軟share....
我....我....我真係想個心太軟再大d! 因為太好食啦，朱古力味濃，又唔太甜！食完唔會渴喉～～～～ 心心眼
總括黎講，呢度係值得再黎！ 食物好味，服務又細心，因為我地叫到冇位放支水🙈🙈🙈，
侍應都不時自動為我地添水，唔使叫破喉嚨都冇人理！ 推介～～～！👍🏻👍🏻👍🏻
張貼
