影片
更多
2007-10-11
2 瀏覽
星期日預早幫媽媽慶祝生日，一行七人選了大家都未食過既鳳城，不知是什麼原因，星期日這裡的晚飯也不是太多人。點既菜大多都係其出名的，如炸子雞、窩貼明蝦等等。炸子雞- 呢樣係第一樣叫既，不過係最後一樣先上既菜。好耐冇見過係酒樓食既雞有咁大隻喇，而且仲係熱辣辣，又唔會好似其他酒樓咁只係得個鹹字同埋乾，D 雞皮又脆而且又有少少肥膏，好好味呀。窩貼明蝦- 呢個都幾好味，不過就比較油膩，可能因為要炸既關係，係蝦下面塊麵包吸滿油。桂魚卷- 其實係將魚肉起雙飛跟住包住火腿之類既野，不過手工幾好野，可能因為魚片切得夠厚，每件都冇散開，而且每件魚都好滑。蒜蓉炒豆苗- 普通既炒菜，冇乜特別。京葱炒遼參- 遼參自己冇食過，只係食左好多京葱，因為好鐘意食京葱，所以不予置評。大良炒鮮奶- 原來係一道類似賽螃蟹既菜，但係味道就清淡好多，自己就比較鐘意賽螃蟹多D，味道同口感都係賽螃蟹較優勝。鳳城炒飯- 炒飯既野，樣樣都係差唔多。西米布甸- 冇野好講，實在太好味喇，個人覺得如果冇左蓮蓉會仲好味。七個人都只係食左一千大元，而且味道不錯，個人覺得幾抵，不過呢度飲汽水就好貴，可樂一罐要十四蚊。另外，我又冇遇到樓下小貓所講既服務
點既菜大多都係其出名的，如炸子雞、窩貼明蝦等等。
炸子雞- 呢樣係第一樣叫既，不過係最後一樣先上既菜。好耐冇見過係酒樓食既雞有咁大隻喇，而且仲係熱辣辣，又唔會好似其他酒樓咁只係得個鹹字同埋乾，D 雞皮又脆而且又有少少肥膏，好好味呀。
窩貼明蝦- 呢個都幾好味，不過就比較油膩，可能因為要炸既關係，係蝦下面塊麵包吸滿油。
桂魚卷- 其實係將魚肉起雙飛跟住包住火腿之類既野，不過手工幾好野，可能因為魚片切得夠厚，每件都冇散開，而且每件魚都好滑。
蒜蓉炒豆苗- 普通既炒菜，冇乜特別。
京葱炒遼參- 遼參自己冇食過，只係食左好多京葱，因為好鐘意食京葱，所以不予置評。
大良炒鮮奶- 原來係一道類似賽螃蟹既菜，但係味道就清淡好多，自己就比較鐘意賽螃蟹多D，味道同口感都係賽螃蟹較優勝。
鳳城炒飯- 炒飯既野，樣樣都係差唔多。
西米布甸- 冇野好講，實在太好味喇，個人覺得如果冇左蓮蓉會仲好味。
七個人都只係食左一千大元，而且味道不錯，個人覺得幾抵，不過呢度飲汽水就好貴，可樂一罐要十四蚊。另外，我又冇遇到樓下小貓所講既服務問題喎。
張貼