越南會館

營業中

休息中

前幾日見到佢新開張，當然要搵時間試試新野。環境幾典雅，有2人卡位，坐得舒服。午市套餐 $128自選2款前菜+1款主食+1款飲品酥炸越南蝦醬雞翼越式炸春卷前菜好快就上，有3件單骨雞翼，蝦醬味唔算太出，期望會聞到陣陣蝦醬味。春卷配埋生菜食，但可以炸得更香脆。香茅雞肉串燒，豬頸肉撈檬雞肉串幾嫩滑，食落成嚿雞都係熱，應該係即燒，唔係燒定加熱。而豬頸肉香口。撈檬配菜新鮮，有薄荷葉同蔥油等令碗粉更清新，亦唔會太搶味。主菜整體不錯。蜜桃冰茶冇先攪勻佢就飲，飲咗底下啲糖水。茶味唔算太香濃，桃味唔突出。侍應服務態度良好，有禮貌有活力，。