金裝燉奶佬餐廳 (已結業)

今日好早起身想食早餐，所以就揸車周圍去求其搵個地方食早餐，最後揀咗燉奶佬，因為未試過食佢嘅早餐。叫左香煎農場雞扒餐、加配粟米火腿通粉同吉列魚柳。香煎農場雞扒餐 ($36) : 有餐包、沙律、腸仔、雞扒、太陽蛋。餐包幾軟熟，雞扒亦煎得香口唔錯，加 $8 蚊既粟米火腿通粉份量幾大碗，而且湯底帶有微微既粟米味，加 $9 蚊既吉列魚柳都大件，炸至金黃色，而且肉質嫩滑。😋雖然早餐價錢較出面貴左少少，不過真係一分錢 一分貨。