滿屋日本料理 (已結業)

滿屋日式放題成日都聽到， 今日經過銅鑼灣又想食放題，就諗起呢間餐廳我哋時間尚早，所以好快就有位。入到去落咗單之後就即刻出去攞嘢食， 雖然放得有啲醜樣，但係海鮮睇落都幾新鮮！仲有沙律吧， 好驚喜嘅係竟然有木瓜鮮奶！一啲炸物同埋撻類， 都幾好食，葡撻好香外層係酥皮，非常之鬆化見到生日優惠會送蛋糕，睇落啲蛋糕都幾靚，唔係嗰啲頹嘅忌廉蛋糕！ 可惜我哋冇人生日試唔到…飲品櫃…除咗雪櫃嘅飲品仲有一啲特色嘅飲品係點菜紙上面第一round 當然要食刺身啦！刺身全部都好新鮮，而且大大件好厚肉絕對唔欺場！牡丹蝦！ 好鮮甜！燒物類： 蒲燒鰻魚，比目魚， 燒菠蘿， 我個人最鍾意就係燒比目魚，燒得啱啱好好，香甜啲肉唔會散，而且有少少牛油味蒲燒鰻魚都幾好鰻魚無骨而且燒鰻魚汁唔會結撻撻或者太甜家人試咗杯特色飲品都唔錯…不過已經唔記得叫咩名牛肉煱！ 湯底偏甜牛肉都算多， 雜菜吸了湯的味，味道剛剛好甜品我哋仲試咗楊枝甘露，出乎意料地好食！食物嘅款式都算standard唔會話好特別但係夠食， 以這個價錢來說叫做滿意啦！