養心殿台式養生鍋 (已搬遷) 新店位置

市面上打邊壚嘅地方真係超級多，如果想做起個名就一定要有啲綽頭。養心殿就用佢嘅湯底打響名堂。佢有啲湯底係話養生嘅(不過其實打邊爐可以健康得去邊😂)不過第一輪煲完，第二輪加湯佢都唔會加返原本嗰隻，佢都係照加普通嘅湯。呢度除左湯底有啲特別啲嘅選擇，食材都算新鮮。我地有叫肉類、海鮮同菜，啲野大致上都新鮮同好食嘅。座位黎講呢度都算坐得幾好，唔會太迫。不過呢度係方型枱為主，如果唔係太多人食嘅話唔會有圓枱坐。我地上次六個人去坐左長方形枱，坐側邊嗰啲就慘啲，淥野同夾野會有困難。不過整體黎講價錢偏貴，食得唔算太多野都要每人三百幾蚊埋單。呢度成日都爆棚，walk in嘅話應該要等好耐，亦都未必等倒。所以如果想食最好就預先決定好再book位，唔好等walk in。