影片
更多
2010-10-30
279 瀏覽
早幾年，食米線係一個飲食風氣。當時，令雲南桂林過橋米線迅速擴展，現時，已有 12 間分店。 10月頭，經過屯門仁政街，見到有間新米線舖<雲桂香米線專門店>，以黃色底色彩藍色字做招牌，十分搶眼！攞單張睇吓，原來原名正是雲南桂林過橋米線，只不過而家改名兼開新分店而已。呢度除咗食到過往口味嘅米線之外，亦加入新元素及口味；令食客更多選擇，可以大飽口福！蟲草花雞肉湯薯仔 QQ 寬粉 $32 + $4 雲吞 ：$36可要求轉為：薯仔 QQ 寬粉、薯仔 QQ 麵、細薯粉，不用另加收費！有見及此，我當然一嚐未試過嘅薯仔 QQ 寬粉。據店員得悉，以薯仔澱粉做成。睇起嚟驟似闊身河粉，寬粉白色，邊帶透明，咬感截然不同；QQ 寬粉很爽滑彈牙，長度參差不齊。實在太滑關係，幾難夾起，必定要匙羮輔助。 冬蟲草價值連成，具滋肺、補腎、護肝、防衰老、降血壓、提高免疫力的功效，隨時動輒成萬銀先買到一兩高級冬蟲草；反之，蘊含氨基酸嘅蟲草花藥用功效不及冬蟲草，只係大約 $20/兩。相比之下，天淵之別！近年，廣受食肆歡迎，一來成本低，二來帶點爽身煙韌口感，三來天然橙色增添賣相色彩！蟲草花只有一湯匙份量並不算多。
10月頭，經過屯門仁政街，見到有間新米線舖<雲桂香米線專門店>，以黃色底色彩藍色字做招牌，十分搶眼！攞單張睇吓，原來原名正是雲南桂林過橋米線，只不過而家改名兼開新分店而已。
呢度除咗食到過往口味嘅米線之外，亦加入新元素及口味；令食客更多選擇，可以大飽口福！
蟲草花雞肉湯薯仔 QQ 寬粉 $32 + $4 雲吞 ：$36
可要求轉為：薯仔 QQ 寬粉、薯仔 QQ 麵、細薯粉，不用另加收費！有見及此，我當然一嚐未試過嘅薯仔 QQ 寬粉。據店員得悉，以薯仔澱粉做成。睇起嚟驟似闊身河粉，寬粉白色，邊帶透明，咬感截然不同；QQ 寬粉很爽滑彈牙，長度參差不齊。實在太滑關係，幾難夾起，必定要匙羮輔助。
冬蟲草價值連成，具滋肺、補腎、護肝、防衰老、降血壓、提高免疫力的功效，隨時動輒成萬銀先買到一兩高級冬蟲草；反之，蘊含氨基酸嘅蟲草花藥用功效不及冬蟲草，只係大約 $20/兩。相比之下，天淵之別！近年，廣受食肆歡迎，一來成本低，二來帶點爽身煙韌口感，三來天然橙色增添賣相色彩！蟲草花只有一湯匙份量並不算多。伴了一點薑絲及蔥粒，帶些少辣味及香蔥味，更添風味！
雞肉並不是雞肉片，而係蒸雞切件，有6 ~ 7 件，份量唔少！肉質嫩滑，雞皮爽身；肯定唔係雪藏雞，完全食唔到雪味。不排除係冰鮮雞，因為同樣可以食到雞味！不過，食麵時要小心，周不時咬到雞骨碎。湯係清雞湯，味道清甜，只係雞出咗唔少油！
雲吞，跟雲南桂林過橋米線一樣只得兩粒，平均 $2/粒，雲吞皮厚不在話下，菜肉餡中，白菜有點霉，口感唔係太理想！味道咸咗些少，要掩蓋偏紅不太新鮮嘅豬肉。後悔叫雲吞！唔掂！
熱柑桔水 ( 特飲 +$8 )
云云特飲之中，咸柑桔水係最健康一款。 如果飲甜飲，容易致肥！咸柑桔可幫助消化、清熱、化痰止咳；此外解渴潤喉，喉嚨痛飲完連喉嚨會舒服啲。不過，以 + $8 似乎貴咗啲， 若果 +$5 比較合理！有3 粒咸柑桔，以 3 粒份量足以夠咸夠酸，口含係咸咸地！粒粒完整無缺！相信醃咗唔係太耐！
港式上湯薯仔 QQ 麵 ( 無肉碎 ) $16 + $8 燕皮肉餃：$24
配料：大量芽菜、少許韮菜、幾塊腐竹。餐牌註明 ( 無肉碎 ) ，正是跟桂林過橋米線不同之處，亦適合素食者。薯仔 QQ 麵同樣以薯仔澱粉做成，與薯仔 QQ 寬粉形狀不同。兩者比較之下，後者較有質感及好食！QQ 麵略似粗身米線，一樣夠滑，無咁爽身；易夾過寬粉，但無米線咁易夾！湯底係白色魚湯，味道好夾！
燕皮肉餃有 6 粒之多，不過，做得馬虎，賣相一般！有爽身馬蹄、鮮甜魚肉打成餡，夠結實！魚肉做皮很粗糙，勝在無魚皮餃咁油！味道唔錯！
熱谷咕 + $6
谷咕即係經常聽到嘅可可粉，亦係做朱古力主要材料之一。就算加咗淡奶，加咗一茶匙糖；仍好似飲緊淡味朱古力水。糖用糖罌，棄用糖包，雖然環保，但易受潮！
呢兩餐唔係太抵食！
張貼
