影片
更多
2019-08-01
22 瀏覽
今日收工如常地同女朋友去搵食，行過見到呢間泰國嘢出邊都有唔少人等緊位，早排女朋友又話想食泰國嘢咁就行埋去啦，兩個人等位時間都算快，大約10分鐘就有人埋黎招呼我哋。入邊裝修好有泰國風味，燈光比較暗，最揼本係佢擺咗一部螢幕💻，播啲明星跳舞嘅歌，都幾好feel！一坐低就會有個前菜，女朋友仔太為食，我未嚟得切影相佢已經食咗，係泰式蘿蔔，酸酸甜甜真係幾開胃嘅！三心兩意嘅時候我哋通通常都會用種懶人叫法，就係叫一個二人餐！個2人餐都幾抵食，首先頭盤係甜柚大蝦沙律或者泰式辣肉生菜包二揀一，小食係泰式燒豬髀仔或者牛仔骨二揀一，跟住就係我女朋友好想食嘅椒鹽魔鬼魚、再加一碟馬拉盞炒通菜，盛為$438！另外我哋叫咗咖喱雞配薄餅，依間泰國嘢有個特別之處，就係咖喱雞可以揀新鮮雞或者冰鮮雞，我諗喺香港出街食嘢都唔容易食到新鮮雞，呢度都只係加$50就可以轉做新鮮雞！首先嚟咗個咖喱薄餅先，個咖喱唔辣，有少少甜味，送薄餅真係好夾！我仲覺覺得好味到叫咗碗白飯添！跟住個生菜包都嚟咗，個生菜包比起個咖喱薄餅就冇咁出色，冇咗嗰種食唔停口嘅意欲！但係都算唔錯既！跟住就上嗰碟泰式燒豬髀仔同埋馬拉盞炒通菜,個通菜好爽口好入味！仲要係唔
入邊裝修好有泰國風味，燈光比較暗，最揼本係佢擺咗一部螢幕💻，播啲明星跳舞嘅歌，都幾好feel！
一坐低就會有個前菜，女朋友仔太為食，我未嚟得切影相佢已經食咗，係泰式蘿蔔，酸酸甜甜真係幾開胃嘅！
三心兩意嘅時候我哋通通常都會用種懶人叫法，就係叫一個二人餐！個2人餐都幾抵食，首先頭盤係甜柚大蝦沙律或者泰式辣肉生菜包二揀一，小食係泰式燒豬髀仔或者牛仔骨二揀一，跟住就係我女朋友好想食嘅椒鹽魔鬼魚、再加一碟馬拉盞炒通菜，盛為$438！另外我哋叫咗咖喱雞配薄餅，依間泰國嘢有個特別之處，就係咖喱雞可以揀新鮮雞或者冰鮮雞，我諗喺香港出街食嘢都唔容易食到新鮮雞，呢度都只係加$50就可以轉做新鮮雞！
首先嚟咗個咖喱薄餅先，個咖喱唔辣，有少少甜味，送薄餅真係好夾！我仲覺覺得好味到叫咗碗白飯添！
跟住個生菜包都嚟咗，個生菜包比起個咖喱薄餅就冇咁出色，冇咗嗰種食唔停口嘅意欲！但係都算唔錯既！
跟住就上嗰碟泰式燒豬髀仔同埋馬拉盞炒通菜,個通菜好爽口好入味！仲要係唔使食配飯食都唔會覺得鹹！呢樣真係要讚下佢！平時出街食嘅馬拉盞炒通菜每一次食完都覺得個口好口渴，今次竟然無！下次一定會再點呢到既馬拉盞通菜？
到咗我哋最期待嘅椒鹽魔鬼魚，魔鬼魚都唔係每一間泰國菜都可以有得食，而呢到佢炸得啱啱好皮脆肉嫩，配啤酒仲正！而我自己叫左杯泰式青檸梳打。
總括來講我覺得呢一間係好高汁既泰國菜，同埋環境係唔錯嘅，都適合一班人慶祝生日啊或者紀念日過嚟食。
張貼
