影片
更多
2017-09-13
4088 瀏覽
通常與朋友飯局，一定係大魚大肉，唔係放題，就係火鍋。今晩好友話，不如今晚清清地食素。其實與朋友飯局，食咩又有咩所謂叫，素食咪素食，怕你有牙咩😁這間食府小弟都係第一次來，平時甚小食素的我，又點會特登去食素吖。因為已經訂位，所以一去到已經安排就坐，各自各點了心儀餸菜之後，準備大吃特吃了😋😋麻香素手撕雞⭐️⭐️⭐️個樣就似手撕雞，但做唔到雞味，不過口感唔錯，煙煙靭靭都幾好味。香煎瑟琶豆腐⭐️⭐️⭐️⭐️一上枱，仲以為係肉丸，一啖咬落去，外面小小硬，入面軟淋淋，好味。錦鹵炸雲吞⭐️⭐️一個在香港已經好小食到的餸菜，可能期望太大，上枱時有點失望。個雲吞炸得幾好，唔會太多油，整到油淋淋，個汁都好好，多料兼酸道適中。唯獨美中不足，就係D汁用個好淺嘅碟盛載，做唔到將雲吞浸入去效果。泰式明爐魚⭐️⭐️⭐️⭐️上枱已經成條泰國菜的明爐魚咁，又有火，又有汁，個汁仲要做到好似冬陰公湯底咁，如果條魚可以整埋個魚頭樣，咁就勁啦。沙爹羊肉串燒⭐️⭐️⭐️⭐️一碟外表似羊肉串燒，但完全唔覺有羊味，但可能你問，冇羊味都有4粒⭐️，奇就奇在碟羊肉有另外一種無法形容嘅好味，再加上配搭嘅汁，我都唔知點形容好。東坡醬汁肉方 3.5⭐️唔好比個名呃咗，係東坡醬汁，唔
這間食府小弟都係第一次來，平時甚小食素的我，又點會特登去食素吖。因為已經訂位，所以一去到已經安排就坐，各自各點了心儀餸菜之後，準備大吃特吃了😋😋
麻香素手撕雞⭐️⭐️⭐️
個樣就似手撕雞，但做唔到雞味，不過口感唔錯，煙煙靭靭都幾好味。
香煎瑟琶豆腐⭐️⭐️⭐️⭐️
一上枱，仲以為係肉丸，一啖咬落去，外面小小硬，入面軟淋淋，好味。
錦鹵炸雲吞⭐️⭐️
一個在香港已經好小食到的餸菜，可能期望太大，上枱時有點失望。個雲吞炸得幾好，唔會太多油，整到油淋淋，個汁都好好，多料兼酸道適中。唯獨美中不足，就係D汁用個好淺嘅碟盛載，做唔到將雲吞浸入去效果。
泰式明爐魚⭐️⭐️⭐️⭐️
上枱已經成條泰國菜的明爐魚咁，又有火，又有汁，個汁仲要做到好似冬陰公湯底咁，如果條魚可以整埋個魚頭樣，咁就勁啦。
沙爹羊肉串燒⭐️⭐️⭐️⭐️
一碟外表似羊肉串燒，但完全唔覺有羊味，但可能你問，冇羊味都有4粒⭐️，奇就奇在碟羊肉有另外一種無法形容嘅好味，再加上配搭嘅汁，我都唔知點形容好。
東坡醬汁肉方 3.5⭐️
唔好比個名呃咗，係東坡醬汁，唔係東坡肉呀，一上枱，個樣黑蚊蚊，已經大打折扣，但都要食架。一口咬落去，成半舊都係肥膏，已經覺得麻麻地，之後食埋個半舊，都仲有小小瘦肉，好彩舊肥豬肉肥得嚟都有六四比例⋯⋯突然想起，乜我唔係食緊素菜咩，咁嗰舊係咩嚟架，想知，自己去試下啦。
飄香南瓜盅⭐️⭐️⭐️
這個餸冇乜特別，個南瓜算炆得幾淋，可以做到南瓜溶效果。
紅草莓香味骨⭐️⭐️⭐️⭐️⭐️
這個餸係全晚最好味餸菜，所以放最後。這個餸賣相，同街外咕嚕肉賣相差不多，係個汁由橙色變咗紅色，草莓汁嘛。食落口，個感覺同一舊真正咕嚕肉冇咩分別，不單止做到肉質效果，仲要冇咁油，非常健康。咁究竟係咩呢，貼士就係一種「菇」，去食下咪知係咩「菇」囉。
最後，想同大家講，其實除咗「紅草莓香味骨」知道係咩素菜之外，其他因爲好食，已經忘記了去深究，所以介紹餸菜時，冇提及用料，敬請見諒😅😅😅😅
(右)麻香素手撕雞(左)香煎瑟琶豆腐
114 瀏覽
0 讚好
0 留言
沙嗲羊肉串燒
160 瀏覽
1 讚好
0 留言
錦鹵炸雲吞
121 瀏覽
0 讚好
0 留言
泰式明爐魚
171 瀏覽
0 讚好
0 留言
東坡醬汁肉方
146 瀏覽
0 讚好
0 留言
飄香南瓜盅
134 瀏覽
0 讚好
0 留言
紅草莓香味骨
90 瀏覽
0 讚好
0 留言
張貼
