睿海御宴 (已結業)

大坑美食眾多，今次朋友就約埋我去到一間中菜館食晚餐，裝潢比較新潮特別，樓梯位更有特色壁畫可以欣賞。今次一行兩人，安排我地坐卡位，十分寬敞舒適。友人發辦叫咗幾款小菜，首先係香脆誘人嘅柚子脆蝦球，大大件蝦球炸至薄脆，口感爽彈細緻。柚子醬酸甜清新，讓人回味無窮。奶白香滑嘅黑松露海皇炒鮮奶都比較少見，配搭黑松露醬都幾夾，內裡仲有帶子同蝦肉粒，十分鮮味。我地仲點咗鑊氣十足嘅自家製XO醬和牛炒陳村粉和牛香濃又腍嫩，陳村粉幾滑又入味，如果XO醬香味再出啲就更正。當然不少得點一款時菜，上湯杞子雲耳浸豆苗份量都幾多，顏色翠綠，食落都好嫩。飲杯茶再食小菜，與好友度過了一個開心嘅晚上。