310
34
6
等級4
2.1K
9
與唐釘娜半島打邊爐 ﹗
2014-08-27 8250 瀏覽
時間過得真係快，轉眼原來已經兩年無黎幫襯 ﹗朋友仔好喜歡食芝士火鍋，所以特意帶佢黎試試瑞士傳統芝士火鍋到底係點樣架呢 ﹗如果無記錯，今晚係我人生第一次食芝士火鍋。進入半島酒店，經過華麗既大堂到達樓梯，係美秒既音樂旋律下慢慢走上 1 樓，環境非常寧靜舒服 ﹗雖然朋友仔遲左少少，不過都無影響到我既雅興。聽住大堂柔揚既 live 鋼琴節奏，慢慢向 Chesa 邁進，感覺非常舒暢。上到 1 樓，左邊就係 Chesa 既瑞士小木屋喇，其實比起其他同層既餐廳都幾唔顯眼。舊地重遊，柔和溫暖既氣氛並無改變，candle dinner 依舊浪漫舒服。坐低先 order 支有氣礦泉水，傾陣計、睇一睇 menu，之後先再慢慢考慮今晚食咩。因為下個月就復活節喇，所以有少少應節擺設啦。會令人沉醉於浪漫溫暖既 candle dinner，不過同朋友仔完全唔過電呢，哈哈 ﹗幸好今晚食客不太多，環境還不錯，唔會話太嘈。上次黎幫襯時，唔好采 full house 囉 ﹗嘈得好緊要，仲有幾圍阿太大聲高談寬論，諗起都滴汗 ﹗可否尊重吓依個場合同其他食客呢？負責既侍應弟弟以 casual 及 friendly 既演譯方法招待
更多
時間過得真係快，轉眼原來已經兩年無黎幫襯 ﹗朋友仔好喜歡食芝士火鍋，所以特意帶佢黎試試瑞士傳統芝士火鍋到底係點樣架呢 ﹗如果無記錯，今晚係我人生第一次食芝士火鍋。進入半島酒店，經過華麗既大堂到達樓梯，係美秒既音樂旋律下慢慢走上 1 樓，環境非常寧靜舒服 ﹗雖然朋友仔遲左少少，不過都無影響到我既雅興。聽住大堂柔揚既 live 鋼琴節奏，慢慢向 Chesa 邁進，感覺非常舒暢。上到 1 樓，左邊就係 Chesa 既瑞士小木屋喇，其實比起其他同層既餐廳都幾唔顯眼。舊地重遊，柔和溫暖既氣氛並無改變，candle dinner 依舊浪漫舒服。坐低先 order 支有氣礦泉水，傾陣計、睇一睇 menu，之後先再慢慢考慮今晚食咩。因為下個月就復活節喇，所以有少少應節擺設啦。會令人沉醉於浪漫溫暖既 candle dinner，不過同朋友仔完全唔過電呢，哈哈 ﹗幸好今晚食客不太多，環境還不錯，唔會話太嘈。上次黎幫襯時，唔好采 full house 囉 ﹗嘈得好緊要，仲有幾圍阿太大聲高談寬論，諗起都滴汗 ﹗可否尊重吓依個場合同其他食客呢？負責既侍應弟弟以 casual 及 friendly 既演譯方法招待我地，雖然可能可以跟食客拉近點距離，但初次見面難免有點軀謹，真係有點唔多習慣。係咁高級既酒店裡面，我為人保守，都係喜歡 grand、formal 既服務，見其他既侍應同經理就比較正常。三款餐前包，款款都好好味，高級酒店就算係餐包都一絲不訽 ﹗特別係方形麵包，麥味非常香濃，成個麵包籃一件不漏全部 knock out ﹗我地真係好有衝動想 re-fill 架 ﹗但又怕食麵包食飽左，之後啲好野唔落咪好慘 ﹗忍忍忍 ﹗蟹肉班戟配龍蝦汁 Crêpe au crabe, cappuccino à l’homardine et Armagnac，大熱人氣招牌菜 ﹗鮮甜蟹肉滿滿的塞入滑滑班戟內，班戟皮既薄又幼滑，帶淡淡蛋香味道，配上濃郁既龍蝦汁，邊有得輸，好正 ﹗必食推介 5 星級美味 ﹗今次龍蝦汁太少喇喎，有點孤寒 ﹗係咪因為幾個 order 一齊做，所以份量預得唔夠呢？煎鵝肝跟欖油黑醋配無花果，鵝肝非常肥美，油脂香濃，外脆內嫩，入面 cramy 外面香口，好好味呀 ﹗跟無花果同吃更可減去油膩感覺，而有點點芳花味道，而且鵝肝既餘香居然可以留係口腔內久久不散，都係第一次有依種感覺。都係第一次食完鵝肝會有 after taste 架乍 ﹗鵝肝既香味一直係牙縫間打滾，好感動啊 ﹗龍蝦仔帶子意大利火腿卷，又特別又有趣，依個配搭真係出神入化 ﹗龍蝦仔、帶子既鮮甜加上意大利火腿既咸香真係襯到絕呀 ﹗龍蝦仔肉質爽彈，而帶子軟棉有趙口，再用薄薄嚥嚥韌韌既火腿包住，味道非常豐富 ﹗層次亦十分突出 ﹗就算連伴碟既配菜都美味無窮 ﹗好想再添食呢 ﹗配菜亦半點不馬虎，去皮蘆筍、生薯、甘筍均炒得鮮甜多汁，好好味 ﹗煙肉芝士火鍋 Fondue Montagnarde，係我人生第一次既芝士火鍋，又驚又喜 ﹗以為食落會好滯好膩，點知完全無依種感覺喎 ﹗仲越食越勇添呀 ﹗原本傳統芝士火鍋會落少少酒一齊煮，不過今次試左唔落酒先，下次再試有酒既。煙肉芝士火鍋，加入煙肉既芝士火鍋香到不得了 ﹗完來係咁好味架 ﹗對於係食肉獸既我，一直對芝士火鍋有保留，不過今次真係誠意推介，點都要試試。濃郁既芝士味加上淡淡煙肉咸香，越食越想食呀 ﹗芝士質感夠厚夠黏夠份量，完全可以掛係麵包上面，唔會水汪汪。叉舊手撕麵包，完全淹沒係芝士海洋裡面，搞呀搞、搞呀搞 ﹗透徹地索盡芝士，就要即時成粒啪入口喇 ﹗夠熱又不燙咀，溫度剛好 ﹗連我依個平時唔多食芝士既人都覺得唔食唔得，唔停得口呢 ﹗煙肉芝士火鍋，套餐包左手撕麵包外，仲有長通粉及生薯，各有特式。不過最好食都係配麵包喎，因為掛汁力同索汁力都最強 ﹗生薯搭上芝士都十分香口惹味，依個都好好味。依個火鍋真係無得頂呀 ﹗香濃、濃稠到不得了 ﹗芝士真係可以完完全全綁實件麵包，掛得穩穩的 ﹗最後我地將成煲芝士食晒，朋友仔仲話如果唔係餐前包食得太多，真係想執多劑芝士火鍋呀 ﹗食多一鍋都仲得 ﹗香濃無比既軟滑芝士，質感夠晒厚又黏黏的，足料無欺場 ﹗我地無去錯地方。柚橙肉配啡啡雪糕，雖然我唔食糖又唔食甜，但依個甜品味道清爽帶點點酸味，唔太甜，而且仲有咖啡香，食落唔會有厭惡感覺，我覺得滿意既，幾好幾好。賣相出眾，就算對甜品不大興趣，見到個精美藝術品都會好開心 ﹗我大部份時間都唔會食甜品，除左餐飯另到我好滿意，我想更完美既時候就會 order 甜品點綴一吓喇 ﹗橙味千層、玉桂朱古力，今晚只得兩款半島名物既？我食開有三款架喎。半島自家免費甜品，各有特色，但我真係對甜品麻麻地架 ﹗好唔好食就見人見志啦，我都有每款咬少少品嚐，還可以啦，幾得意。麵包籃、蟹肉班戟配龍蝦汁、龍蝦仔帶子意大利火腿卷，正正正 ﹗無得彈 ﹗煙肉芝士火鍋 Fondue Montagnarde、手撕麵包、長通粉、生薯 ﹗令人一再回味 ﹗讚 ﹗麵包籃、蟹肉班戟配龍蝦汁、煎鵝肝跟欖油黑醋配無花果、龍蝦仔帶子意大利火腿卷、煙肉芝士火鍋、柚橙肉配啡啡雪糕 ﹗全部滿分，講多無謂 ﹗好味道 ﹗開心既時間過得特別快，再見喇 ﹗

145 瀏覽
0 讚好
0 留言
136 瀏覽
0 讚好
0 留言
132 瀏覽
0 讚好
0 留言
283 瀏覽
0 讚好
0 留言
76 瀏覽
0 讚好
0 留言
80 瀏覽
0 讚好
0 留言
麵包藍
66 瀏覽
0 讚好
0 留言
煎鵝肝跟欖油黑醋配無花果
108 瀏覽
0 讚好
0 留言
蟹肉班戟配龍蝦汁 Crêpe au crabe, cappuccino à l’homardine et Armagnac
81 瀏覽
0 讚好
0 留言
龍蝦仔帶子意大利火腿卷
111 瀏覽
0 讚好
0 留言
煙肉芝士火鍋 Fondue Montagnarde
120 瀏覽
0 讚好
0 留言
煙肉芝士火鍋 Fondue Montagnarde
103 瀏覽
0 讚好
0 留言
煙肉芝士火鍋 Fondue Montagnarde
124 瀏覽
0 讚好
0 留言
煙肉芝士火鍋 Fondue Montagnarde
107 瀏覽
0 讚好
0 留言
柚橙肉配啡啡雪糕
99 瀏覽
0 讚好
0 留言
橙味千層、玉桂朱古力
48 瀏覽
0 讚好
0 留言
73 瀏覽
0 讚好
0 留言
麵包籃、蟹肉班戟配龍蝦汁、煎鵝肝跟欖油黑醋配無花果
109 瀏覽
0 讚好
0 留言
麵包籃、蟹肉班戟配龍蝦汁、煎鵝肝跟欖油黑醋配無花果、龍蝦仔帶子意大利火腿卷、煙肉芝士火鍋、柚橙肉配啡啡雪糕
118 瀏覽
0 讚好
0 留言
蟹肉班戟配龍蝦汁、煎鵝肝跟欖油黑醋配無花果、龍蝦仔帶子意大利火腿卷、煙肉芝士火鍋
100 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2014-03-20
用餐途徑
堂食
人均消費
$800 (晚餐)
推介美食
麵包藍
煎鵝肝跟欖油黑醋配無花果
蟹肉班戟配龍蝦汁 Crêpe au crabe, cappuccino à l’homardine et Armagnac
龍蝦仔帶子意大利火腿卷
煙肉芝士火鍋 Fondue Montagnarde
煙肉芝士火鍋 Fondue Montagnarde
煙肉芝士火鍋 Fondue Montagnarde
煙肉芝士火鍋 Fondue Montagnarde
柚橙肉配啡啡雪糕
麵包籃、蟹肉班戟配龍蝦汁、煎鵝肝跟欖油黑醋配無花果
麵包籃、蟹肉班戟配龍蝦汁、煎鵝肝跟欖油黑醋配無花果、龍蝦仔帶子意大利火腿卷、煙肉芝士火鍋、柚橙肉配啡啡雪糕
蟹肉班戟配龍蝦汁、煎鵝肝跟欖油黑醋配無花果、龍蝦仔帶子意大利火腿卷、煙肉芝士火鍋
  • 蟹肉班戟配龍蝦汁 Crêpe au crabe cappuccino à l’homardine et Armagnac
相關食評
30日內同一位會員在同一間餐廳提交的食評
驚喜的 seasonal menu ﹗