串酒里 (已結業)

朋友帶我到串酒里食串燒🍡， 位於尖沙咀山林道， 位置方便好容易就搵到。 串燒店有室外和室內環境， 當晚我們選擇了坐室內， 坐低不久我們先點飲品，罐裝檸檬茶$18 和 Draft Asahi🍺 $68， 然後再點幾款燒物～青芥末燒日本廣島蠔$88， 鹽燒厚切牛舌$68， 自家製醬汁燒黑豚肉$49， 惹味汁燒豬仔髀$59， 麻吉燒$22， 燒玉子$32， 豚腩金菇串$48。青芥末燒日本廣島蠔～ 青芥末味道突出， 廣島蠔 大隻， 但燒得比較乾。鹽燒厚切牛舌～ 厚切肥美的牛舌， 必點推介！自家製醬汁燒黑豚肉～ 黑豚肉肥瘦適中， 但口感偏硬。惹味汁燒豬仔髀～ 豬仔髀啖啖肉， 燒得又香又惹味。麻吉燒～ 魚蛋入面包住年糕， 口感煙韌，好好味。燒玉子～ 燒玉子很香， 但偏乾。豚腩金菇串～ 平時多數食肥牛金菇串， 估唔到豚肉金菇串味道都好夾， 入口多汁，好食。這裏還有一些港式粗口的手工啤酒， 感覺特別創新， 下次有機會再來試下。