柴太郎咖啡店 (已結業)

聞名已久既柴太郎cafe，黎到西貢一定要會一會佢。環境幾舒服，周圍掛住啲柴柴既畫作，燈光適中。老闆娘好好人，送左佢地自家製既菠蘿果醬俾我地試，呢個係有驚艷到，因為開頭會以為會好甜，但係食落去好清新，而且同個窩夫好夾，一定要食佢個果醬！餐點份量啱啱好，窩夫都好有質感，唔會死硬/死軟，有少少煙韌，食落唔會漿喉嚨。三文魚圍住既係牛油果蛋沙律，做得唔錯。本身對一啲有動物既cafe既食物質素有保留，但係呢間既食物，真係值得一試。有一樣嘢要留意，柴柴通常會喺4-5點嗰啲時間喺度，所以如果一心想去睇柴犬就最好嗰啲時間去。