吉野家 (已結業)

由細到大都好鍾意食蕃茄同飲蕃茄汁，如果有蕃茄湯底揀，諗都唔洗諗一定揀。今日放工喺車上面瞓過籠，過咗兩個站先識落車，行番屋企時見到吉野家有蕃茄湯烏冬，即刻上去買番碗。要咗蕃茄蟹棒雞扒烏冬，$22，唔算貴，有蟹棒又有雞扒。雞扒分開上，唔太環保，D雞好乾又較鞋。蟹棒有2條，幾好味。蕃茄湯底同邊爐嗰d應該係一樣，幾濃，但唔會太咸。有好多蕃茄粒同粟米粒，好味！