影片
更多
2023-03-29
1609 瀏覽
去迪士尼梗係要做足準備，玩得開心至醒得你😎 （暴露年齡嘅歌曲）一早訂埋位去食特別版點心係更開心💯位於香港迪士尼樂園酒店入面既晶荷軒提供特色中菜，今次嚟主要係要食佢哋既迪士尼特色點心～ ((迪士尼點心於週末及公眾假期午市供應並需於至少24小時前預訂；凡星期一至五惠顧，需於至少48小時前預訂。)) 我哋分別預訂左：綠色小人菜肉包～佢個樣頹晒咁連條天線都dup 埋但我個人覺得好可愛～好欣賞～但點解唔叫返三眼仔呀！綠色小人咩料，真係唔會以為係toy story 啲塑膠士兵仔咩～？迪士尼 Duffy & ShellieMay 甜包（冇錯，佢哋並唔喺 Mickey & Minnie 嚟呀下～），呢個除咗個化妝溶左小小其實還原度都幾高下米奇煎薄餅～呢個我覺得似係炸蘿蔔糕啲fd(?)，但係米奇有啲鍾景輝既feel 「他好像永遠對著你笑，笑得你心裡發寒」我講到好似嫌棄咁，但其實我覺得佢哋魔性得嚟有種特別既得意～睇翻都仲係覺得好正～😂除咗特色點心之外，我哋仲追加左:松茸和牛腸粉~ 腸粉足料而且夠滑～唔錯～鮮淮山椰青雞湯浸菜苗，呢個我好鍾意，椰青雞湯好清甜，加埋啲淮山好滋補既感覺～食食下先發現原來啲紅蘿蔔都
位於香港迪士尼樂園酒店入面既晶荷軒提供特色中菜，今次嚟主要係要食佢哋既迪士尼特色點心～
((迪士尼點心於週末及公眾假期午市供應並需於至少24小時前預訂；凡星期一至五惠顧，需於至少48小時前預訂。)) 我哋分別預訂左：綠色小人菜肉包～佢個樣頹晒咁連條天線都dup 埋但我個人覺得好可愛～好欣賞～但點解唔叫返三眼仔呀！綠色小人咩料，真係唔會以為係toy story 啲塑膠士兵仔咩～？
迪士尼 Duffy & ShellieMay 甜包（冇錯，佢哋並唔喺 Mickey & Minnie 嚟呀下～），呢個除咗個化妝溶左小小其實還原度都幾高下
米奇煎薄餅～呢個我覺得似係炸蘿蔔糕啲fd(?)，但係米奇有啲鍾景輝既feel 「他好像永遠對著你笑，笑得你心裡發寒」
我講到好似嫌棄咁，但其實我覺得佢哋魔性得嚟有種特別既得意～睇翻都仲係覺得好正～😂除咗特色點心之外，我哋仲追加左:
松茸和牛腸粉~ 腸粉足料而且夠滑～唔錯～
鮮淮山椰青雞湯浸菜苗，呢個我好鍾意，椰青雞湯好清甜，加埋啲淮山好滋補既感覺～食食下先發現原來啲紅蘿蔔都係 mickey 形狀，打耳～
黑毛豬蜂蜜叉燒 第一次食叉燒係真係有成舊蜂膠 🐝 俾你加埋一齊食～叉燒做到鬆軟多汁，唔係肥叉竟然都可以唔乾唔柴，加埋蜂蜜更加吊味🍯 ～好食！
古早荔枝醬片皮鴨（另加一食做炒飯） 片皮鴨做到唔油，
外脆內酥既口感，加埋佢哋自家製的荔枝醬，好清新好特別～食多幾嚿都唔怕滯～
出奇地全部都好食唔伏，唔係得個樣㗎喎～👍👍👍
張貼
