吃茶三千 (已結業)

估唔到台式飲品都可以咁講究！吃茶三千從茶種、調味同配料都一絲不苟，客人可以自由配搭，亦可以參考熱銷款式既清單。飲品嘅甜度亦配合香港人健康嘅生活方式，「完美」甜度其實係出面嘅7成。萃茶師推介鳳眉紅茶，凍頂烏龍同決明子紅烏龍三種茶底最適合調製奶類飲品。至於松針綠茶、水仙桂花同玉露青茶比較適合作為水果茶既茶底。飲品即叫即整，連茶底都係現萃，所以等待時間會耐少少🤏。萃茶機同咖啡機有少少相似，俾我感覺非常專業，相信萃茶機價值不菲🤣- 國王珍珠奶茶茶底：凍頂烏龍調味：特濃牛乳加料：國王珍珠奶茶用烏龍沖調而成，茶味非常醇厚。特濃牛乳同烏龍融合得宜，奶香味十足，而且令奶茶更富潤柔滑。國王珍珠煙韌口感當然不在話下，更特別嘅係珍珠嘅size係入面嘅1.5倍，令人更加滿足😚- 水仙桂花蜜茶底：水仙桂花調味：百花香蜜茶底清香帶回甘，加左蜂蜜有一種清甜既感覺，女友非常鍾意佢既清新淡雅，果然係熱銷款式之一。每一個飲品杯上都會掛上麻繩，令客人方便攜帶👍🏻