影片
更多
2020-10-26
254 瀏覽
又係隨心拎住相機走嘅一日，係中上環區見到好多bookmark左仲未去嘅cafe，亦有好多充滿特色嘅食店🏠去唔到旅行嘅日子就用心欣賞屬於自己嘅地方吧，其實香港到處都充滿驚喜😊🇭🇰影下影下就黎到HAKAWA，一間只係專門賣朱古力🍫嘅店舖，雖然本身唔係太好朱古力，但係聞到淡淡嘅可可味都係會忍唔住🤤《𝙲𝚘𝚕𝚍 𝙲𝚑𝚘𝚌𝚘𝚕𝚊𝚝𝚎 70%》3.8 / 5用咗來自越南嘅手工可可豆，配上岩鹽沖調，岩岩入口會比較苦澀，後有餘甘，對比平時用可可粉沖嘅朱古力，呢度嘅朱古力層次豐富好多👍🏻每一杯嘅朱古力都係慢工出細貨，多個繁複嘅步驟，先沖調到哩杯凍朱古力🍫👍🏻 底下仲有少少未溶晒嘅可可粉，見佢地一杯落嘅可可份量好足，所以特別濃郁，甘甜嘅味道徘徊喺口腔好耐，可惜口感相對亦冇咁順滑🤔不過呢種可可味同平時飲到嘅朱古力味好唔同，未必個個都會欣賞😬真係估唔到一杯朱古力，都可以好似飲咖啡咁講究☕️
影下影下就黎到HAKAWA，一間只係專門賣朱古力🍫嘅店舖，雖然本身唔係太好朱古力，但係聞到淡淡嘅可可味都係會忍唔住🤤
《𝙲𝚘𝚕𝚍 𝙲𝚑𝚘𝚌𝚘𝚕𝚊𝚝𝚎 70%》3.8 / 5
用咗來自越南嘅手工可可豆，配上岩鹽沖調，岩岩入口會比較苦澀，後有餘甘，對比平時用可可粉沖嘅朱古力，呢度嘅朱古力層次豐富好多👍🏻
每一杯嘅朱古力都係慢工出細貨，多個繁複嘅步驟，先沖調到哩杯凍朱古力🍫👍🏻
底下仲有少少未溶晒嘅可可粉，見佢地一杯落嘅可可份量好足，所以特別濃郁，甘甜嘅味道徘徊喺口腔好耐，可惜口感相對亦冇咁順滑🤔不過呢種可可味同平時飲到嘅朱古力味好唔同，未必個個都會欣賞😬
真係估唔到一杯朱古力，都可以好似飲咖啡咁講究☕️
張貼
