泰式食泰國菜館

營業中

休息中

夜晚七點半去到，店內無乜客，可能因為其他人坐樓上，樓下得我地三個人一枱。首先點左泰式鳳爪，份量係菜比較多，佔半，有紅蘿蔔片、蔥、洋蔥絲、生菜，鳳爪約有十舊左右，味道偏辣少少，個人喜好偏酸甜。燒牛肉，大推，內裡軟嫩，紅粉色，應該5成熟。點個特色香料醬，係好好味！碟底係見到滲血水，真係好正！點左兩個湯，冬陰功同泰式海鮮湯，入邊有蝦、木耳、蜆....味道酸辣還可以，木耳爽口好味，不過同伴覺得太重口味，唔岩食，食完明顯口乾。個湯後來飲唔曬。馬拉盞炒通菜，OK，正常水準。賣相係唔錯。生菜包肉碎，可以揀牛雞或豬。我地揀左豬，炒得好香香料味。炒金邊粉，炒河粉都OK，河粉係大大塊個種，食落好煙韌，都唔錯，有芥蘭，菇，雞柳。兩個炒粉作主食，加兩碗細湯，基本上已經飽了。泰式海鮮湯裡有青口，魷魚，蜆等材料。我地飲湯，無叫到野飲。三個人食完，埋單$571。個燒牛肉係抵試既，其他就普通，無特別驚喜，亦唔難食。不過地點太遠，試過兩次後，未必會再去。