甜椰坊自家制甜品專門店 (已結業)

之前已經嚟過一次甜椰坊，first time就系為咗專門嚟試下椰子味嘅甜品，就覺得佢地拿椰青整出嚟嘅甜品口感好新奇特別，冰冰涼涼嘅感覺都唔错，后嚟我翻屋企霖住都買個椰子翻嚟試住整，發覺系根本整唔出人地果種味道嘎 所以帶住兩個姊妹，又過嚟食一次啦！！menu上邊嘅甜品價位都唔算好貴，而且有好多品種可以揀，最後我地三個點咗一份海底椰燉鮮奶、一份香蕉船同埋燕窝甜椰。海底椰燉鲜奶，椰子嘅味道同鮮奶嘅味道好好咁融為一體，鮮奶有好濃郁嘅椰香味，不過成碗甜品嘅味道就比較偏甜。 香蕉船，味道一般，同其他甜品店嘅香蕉船味道差唔多，都系覺得嚟呢度要食翻佢主打歌椰子味甜品先會覺得物有所值。不過香蕉船嘅份量都算幾大，我地三個人都食唔曬~~~燕窩甜椰，個甜品系拿椰子殼裝住嘅，雖然個椰子殼比較細，可能一兩羹就可以食完，不過入面嘅燕窩都算多啦，口感都算細滑，椰子嘅甜味適中。